Jillian nag-diet

CEBU, Philippines - Nag-diet karon si Jillian Ward aron dili na siya tambok lantawon sa TV screen busa gidid-an siya sa pagkaon og chocolate ug pag-inom og softdrinks.

Lea mag-promote sa LA

Motikang si Lea Salonga sa Barnes & Noble The Grove sa Los Angeles karong October 27aron i-promote ang iyang album nga The Journey So Far.

Pangandoy ni Jed

Gipangandoy sa singer nga si Jed Madela nga mahimong hurado o dili ba kaha mentor sa mga talent search sa telebisyon.

Isabel kever sa past

Dili ganahan maghisgot si Isabel Oli sa nangaging lovelife ni Gab Valenciano gumikan kay ang kasamtangang panahon maoy importante kaniya.

JM nagpaniwang

Nagpaniwang karon si JM de Guzman isip preparasyon sa seryeng Angelito Batang Ama kung diin sugdan na ang taping niini sa katapusang bahin karong buwana.

Derek mopuli kang FPJ?

Interesado si Derek Ramsay nga mahimong bida sa pelikulang Totoy Bato nga unang gidala kaniadto ni Fernado Poe Jr ug gihimoan na usab kini og TV remake ni Robin Padilla niadtong 2009.

Albert mitug-an sa sekreto

Gitug-an ni Albert Martinez nga ang pagsige og ehersisyo pinaagi sa pag-bike og 20 kilometros matag tulo ka adlaw sa usa ka semana maoy hinungdan nga bata pa siya tan-awon bisan 50 na ang iyang edad.

Yasmien seryoso sa pagtungha

Daghan ang nangita kang Yasmien Kurdi sa thanksgiving party sa Amaya sa miaging adlaw apan nasayran nga duna diay school exam ang aktres niadtong higayona.

Paulo: Dili ko manintal!

Giklaro ni Paulo Avelino nga wala siya’y plano nga pabalhinon sa ABS-CBN ang iyang uyab nga si LJ Reyes gumikan kay duna sila’y tagsa-tagsa ka desisyon kalabot sa ilang mga showbiz career.

Bea gisaway

Nagbaha karon sa mga online site ang mga mensahe nga nagsaway kang Bea Alonzo kalabot sa pag-angkon niini sa pito ka buwan na nila nga relasyon ni Zanjoe Marudo. Suma pa nga awit ra kaayo ang pag-angkon ni Bea gumikan kay hagbay ra nakabantay ang mga tawo sa ilang relasyon bisan pa man sa pagsige niya og deny kaniadto.

Okay ang kondisyon

Gipadayag ni Zia Quizon nga okay na ang kondisyon karon sa iyang amahan nga si Dolphy. Giingong saktong pahuway lang ang gikinahanglan sa comedy actor aron dili dayon maluya ang iyang lawas.

Billy wala mabalaka

High-tech na ang panahon busa wala mabalaka si Billy Crawford sa paglarga niya sa France sulod sa pipila ka mga buwan. Matud pa ni Billy nga kanunay gyud ang komunikasyon nila sa iyang uyab nga si Nikki Gil bisan pa man nga busy siya didto sa France.

Panghinaut ni Direk Lauren

Gikumpirmar sa business unit manager sa Pinoy Biggest Loser nga si Direk Lauren Dyogi nga dunay season 2 sa maong programa. Panghinaut ni Direk Lauren nga si Sharon Cuneta unta ang pabilin nga mo-host sa nahisgutang reality show. Si Sharon hagbay ra nga gidungog nga mobalhin sa TV 5.

Sheena mihimakak sa isyu

Gihimakak ni Sheena Halili ang report nga wala sila magtingog ni Rochelle Pangilinan. Giingong si Sheena ang gipasabot sa blind item nga matud pa nga usa ka aktres ang magsige og libak sa iyang kauban nga artista sa programang Amaya.

Toni midepensa sa uyab

Best in depensa si Toni Gonzaga sa isyu nga matud pa nga palahubog ang iyang boyfriend nga si Direk Paul Soriano. Suma pa niya nga naanad na siya sa mga intriga busa dili niya kini tagaan og gibug-aton.