Mathematician nga "Prinsesa sa Kahanginan"

CEBU, Philippines - “Wa ko nag-expect nga masulod ko sa Top 3 sa My Favorite DJ sa Banat Hugyaw, maong na-shock ko, siyempre lipay kayo ko,” mao kini ang saysay sa DJ sa M.O.R. 97.1 Lupig Sila! nga si   Baby Jelly.          

Kanhi call center agent si Baby Jelly apan miabot ang panahon nga ganahan siya motrabaho nga haom sa iyang gugma sa musika.

Sa wala’y pagduha-duha mi-audition siya sa M.O.R. gumikan kay malingaw siya nga magtabi on air.

Gumikan sa bongga niya nga tingog, nadawat gyud siya busa siya maoy giisip na karon nga “Prinsesa sa Kahanginan” gumikan sa sweet kaayo niya nga tingog.

Gradwado siya sa kursong BS Math sa Liceo de Cagayan University apan mipatigbabaw gyud ang iyang kagustuhan nga mo-play og music sa kahanginan busa nagpadayon na gayud siya sa iyang pagka-DJ.

Mensahe pa niya sa mga tawo nga gusto mahisama kaniya nga kinahanglan gyud nga higugmaon ang trabaho aron dili ka mapul-an niini.

Nagbaha karon ang FM stations sa Sugbo apan gihulagway kini ni Baby Jelly nga “healthy competition”.

“Usa raman gyud ang goal sa mga FM station, mao ang pag-entertain sa public,” hirit pa niya.

HUGYAWnatics Ask

HUGYAWnatic: Hi Jelly, fav4te gyud nku ang imo program ky klaro au n u sgnal dnhe . Unsay status sa imo luvlyf? From Arjade of San Fernando , Cebu 09175811***

Baby Jelly: Complicated ang status sa akong love life, pero karun bawal ang uyab-uyab..

HUGYAWnatic: Natural ba na imo voice o gituyo lang na? Cleo A. of Naga  09227121***

Baby Jelly: Natural ra gyud siya nga dunay pagka-pagaw pagaw.

 HUGYAWnatic: Kusog jd ang MOR dnhe sa Toledo , unsa imong buhaton kung pagawon ka? From Rina of Borbon 09227334***

Baby Jelly: Kung pagawon ko og pag-ayo, tulog ra gyud tambal ana.. Maka sleep lang ko’g straight 8 hours, balik na pod ako voice.

HUGYAWnatic: Unsa imo reaksyon, usahay kapoy kaayo paminaw sa M.O.R kay daghan ayo commercial, from Liniara of Consolacion 09109974***

 Baby Jelly: .. Mo - smile rako, hehehe, sign na siya nga ang station is growing. This is actually a challenge alang sa mga DJ, kung unsaon nato pagpanindot ang program aron mo-stay gyud nato ang mga listeners.  

HUGYAWnatic: Hilig pud ka og night life Baby Jelly? –From Jean Mae of Sambag 1 09178568***

Baby Jelly: Dili na kayo ko hilig og nightlife kay krisis na kaayo karong panahona, hehehe.

HUGYAWnatic: Baby Jelly, idol gyud taka, maka-inlove man gud imo tingog , pila diay imo age? From Katrina   of pardo 09218496***

Baby Jelly: 26

HUGYAWnatic: Para nimo nganong sikat ang inyo station? From Ariel Kenth of Kinasang-an 09195126***

Baby Jelly: Sikat?. Hhmmm, sikat ang station tungod sa among team work..

HUGYAWnatic: Unsa nga qualities sa guy nga imong gipangita? Philip of Barrio Luz 09290052***

Baby Jelly: Sa ka -hightech sa panahon, gamay nlang ang lalaking masaligan.. Kung qualities ang hisgutan nangita ko’g BBB, baskog, buotan ug bastos gamay, hahahaha.

HUGYAWnatic: Hi Jelly, usahay lage kay dili nimo i-play ang mga request sa listeners,ngano diay ? Johan of Danao 09232139***

Baby Jelly: Ako rule gyud sa mga request., first request first play. Kung dili makaya sa oras , next day na naku i-play.

HUGYAWatic: Hi Baby, duna pu’y time nga naglagot ka sa imo listener ug y man? From Keir of Oronia 09230975***

Baby Jelly: Hmmm, wala pa ku maglagot sukad.

Si Baby Jelly madungog sa M.O.R. pinaagi sa Yangungo sa Trabaho (Mondays-Saturdays, 1-3p.m.) ug sa Myx of Rhythm (7-9p.m., Mondays to Saturdays).