Erik may kapalit agad Vice Ganda lilipat na sa Backroom

May kumakalat na tsismis na lilipat na raw si Vice Ganda sa Backroom Inc. I repeat, tsismis, so puwedeng totoo o haka-haka lamang.

Kung true ang tsismis, may kapalit na agad si Erik Santos sa Backroom Inc. sa katauhan ni Vice Ganda. From Erik to Vice? Not bad...

David Foster binitiwan na si Charice

Kasali si Charice sa repeat ng concert ni David Foster sa Smart Araneta Coliseum kaya ayaw paniwalaan ng kanyang fans ang isyu na binitiwan na ni Foster ang mahusay na Pinay singer.

Hindi rin ako naniniwala na bibitawan ni David si Charice dahil magtatampo sa kanya si Oprah Winfrey, ang fairy godmother ni Charice. I’m sure, pinalitaw ang isyu para mapag-usapan at umingay ang concert ni David sa Pilipinas sa October 25.

Fans na maninira hindi puwedeng i-publish ang mga request

May fans na nagpapadala sa akin ng mga e mail ng paninira laban sa mga artista na kinabubuwisitan nila.

Nire-request nila na i-publish ko ang kanilang mga e mail pero sorry na lang dahil masyadong below-the belt ang bira ninyo sa mga artista na kinaiiritahan.

Pinipili ko ang mga e mail na karapat-dapat na ilabas o hindi dahil kung sakaling pumalag ang artista, ako naman ang nakapronta, hindi kayo.’Yun lang!

Can afford na hindik mag-work  kontrobersiyal na aktor na may papa na mayamang bakla, dito lang sa ‘pinas nagliliwaliw

Mali ang tsismis na nagpunta sa ibang bansa ang kontrobersiyal na aktor at ang kanyang rumored rich gay benefactor.

Hindi totoo na nagliwaliw sila sa abroad dahil nandito lamang sila sa Pilipinas. Baka look-alike lamang ng aktor at ng kanyang alleged dyowa ang lovebirds na na-sight sa ibang bansa.

Can afford ang aktor na huwag tumanggap ng mga TV guesting o raket dahil good provider ang kanyang special friend. In fairness, loyal partner ang aktor kaya love na love siya ng richie rich gay.

Dennis ayaw na talagang makita si Jennylyn, live guesting tinanggihan

Patapos na sa susunod na linggo ang Sinner or Saint kaya super-plug ang cast sa mga talk show na huwag kalimutan na panoorin ang pagwawakas ng kanilang afternoon drama series.

Narinig ko ang balita na nag-decline si Dennis Trillo sa imbitasyon na mag-guest ng live sa Showbiz Central at naiintindihan ko ang kanyang sitwas­yon.

Kung pumayag si Dennis na uma­pir sa Showbiz Central, tiyak na magkikita sila ni Jennylyn Mercado dahil co-host ito ng Sunday showbiz talk show ng GMA 7.

Eh ayaw nang pag-usapan o balikan ni Dennis ang na­karaan nila ni Jennylyn. Sa ayaw o sa gusto niya, ma­uungkat ang nakaraan kung magkakasama sila ng ex-girlfriend sa isang talk show kaya tama lang ang kanyang desisyon.