Likay na lang
CEBU, Philippines - Gikatahong naglikay na karon si Rich Asuncion ngadto kang Aljur Abrenica aron dili sila matsismis pagbalik. Miulbo ang report nga dili ganahan si Rich nga ma-link kang Aljur gumikan kay duna na’y Kylie Padilla ang aktor. Sila si Rich ug Aljur gidungog nga nagkauyab kaniadto.
Karla miidolo sa moymoy palaboy
Gisaysay ni Miss Earth 2008 Karla Henry nga iyang giidolo ang Moymoy Palaboy busa iyang gipangandoy nga makabaton og music video uban sa maong mga komedyante nga nailhan pag-ayo gumikan sa mga video nga ilang gipang-upload sa Youtube.
Nausab ang pangalan
Nakapahimuot pag-ayo kang Melissa Ricks ang pagtawag kanunay sa mga tawo kaniya og “Elisa” sa higayon nga mosuroy siya sa mga mall. Nailhan pag-ayo ang aktres karon sa maong pangalan gumikan sa karakter niya sa seryeng “Nasaan Ka Elisa” sa ABS-CBN.
Bayani kontento na sa tv 5
Giklaro sa Kapatid star nga si Bayani Agbayani nga maglisod siya dawat og proyekto sa laing istasyon gumikan kay nakontento na siya sa iyang istado sa TV 5. Nasayran nga dunay laing istasyon ang interesado nga mokuha kang Bayani.
Mariel makabaton og sitcom
Gawas sa programang Wiltime Big Time, gikatahong malakip usab si Mariel Rodriguez sa usa ka sitcom sa TV 5 inigkabalhin niini sa maong istasyon karong Oktubre 15. Suma pa nga giasikaso na karon ang papeles sa pormal na nga pagtikang ni Mariel sa TV 5.
Gandanghari inspirasyon ni jake
Giangkon ni Jake Cuenca nga si Bb Gandanghari ang iyang inspirasyon sa paghatag niya og kinabuhi sa papel nga usa ka bayot sa anniversary special sa Maalaala Mo Kaya sugod karong Sabado kung diin didto sa Barcelona Spain gihimo ang pipila ka mga eksena niini. (Sanden J. Anadia)
- Latest
