Hulagway ni Nora gibarogan ni Maglipon

CEBU, Philippines - Gibarugan ni Yes! Magazine editor-in-chief Joan Maglipon ang hulagway ni Nora Aunor sa maong magazine kinsa gisaway sa Philippine Medical Association (PMA) gumikan sa paghupot sa superstar og sigarilyo.

Suma pa ni Maglipon nga pinakamaayo nga konsepto ang gi-apply sa maong hulagway nga naghulagway sa iyang personalidad karong panahona.

“She speaks out now, against perceived hurts, about her sexuality, about her children. She also smokes. This new openness is her chosen expression of who she is today, and that is the reason I chose that photograph. It captures her,” nagkanayon ni Maglipon.

Gipatigbabaw usab ni Maglipon ang freedom of expression ug giklaro niini nga misuporta gani siya sa adbokasiya “Smoke Free Philippines” campaign.

“In a perfect world, we will not have anyone smoking or drinking or gambling or lying. Not just in magazines, but out there in the real world...But apart from being in an imperfect world, there is the very real concern with freedom of expression, which not even the most well-meaning advocates should trample on,” dugang pa ni Maglipon.

Samtang ang head sa Quezon City chapter sa PMA nga si Dr. Rializa Henson misaysay nga ang pagpanigarilyo usa sa matang sa adiksyon apan maalim ra kini pinaagi sa rehabilitasyon. 

Kahinumduman nga wala makauyon ang ulohang buhatan sa PMA ngadto sa hulagway ni Nora nga naghupot og sigarilyo gumikan kay posibleng maka-impluwensya kini ngadto sa mga kabatan-onan nga miidolo kaniya.