Aktres na pasosyal ang image huli sa aktong nambabarat

Namataan ng isang fan ang kanyang idolong aktres na namimili na ng pamasko para sa mga kaibi­gang taga-showbiz sa isang mall sa karatig-lalawigan.

Nilapitan ng fan at kinausap ang hinahangaang aktres na namimili ng irere­galong pamaypay na nagkakahalaga ng P10.00 each na superkulit pa sa pagtawad sa tindera.

Kung sabagay hindi naman mahalaga kung magkano ang ireregalo ‘di ba? It’s the thought that counts! Pero hindi sukat akalain ng fan na ganun pala kakuripot ang hinahangaang aktres na sosyalera ang ima­ge.

Derek first time na nagpaka-mature

First time na makatrabaho ni Derek Ramsay si Anne Curtis sa pelikulang No Other Woman kasama rin si Cristine Reyes under Star Cinema at Viva Films.

First time ni Derek na gampanan ang isang mature role bilang si Ram Escaler na isang furniture salesman na may asawa na pero natukso kay Anne na isang socialite. Naiibang love triangle ang No Other Woman na palabas na sa September 28 sa direksiyon ni Ruel Bayani.