Jinkee nauubos ang oras sa pag-iimbestiga ng kulasisi

Mahirap talaga ang role ni Jinkee Pacquiao bilang asawa ng isang hindi lamang napakasikat na atleta sa mundo kundi isa pa rin sa pinakamayaman kaya habulin ito ng mga babae. Kung ’yung mga walang-wala nga ay nakatatlo pang babae bukod sa kanilang mga asawa, ang asawa pa kaya niya ang hindi?

Kaya sinasabi ng marami na nakakakilala sa kanya na ang panahon niya ay naibubuhos niya sa pag-iimbestiga sa mga babae na pinaghihinalaan niyang pinupuntirya ng kanyang asawa. Kahit gusto niyang ipagwalang bahala sila dahil siya naman ang asawa, hindi niya magawa dahil baka kasalanan pa niya kapag malulong si Manny sa iba.

Aba, huwag naman Jinkee. Baka naman ma-praning ka pa. Pero huwag ka ring maging kampante. Lahat ng nababalitaan mo, clear it up with your husband, huwag mo lang siyang awayin nang naririnig ng mga anak n’yo. Magagawa n’yong resolbahin ang inyong mga problema ng matahimik. By this time, kilala mo na ang asawa mo, alam mo na kung paano mo siya tatanungin ng hindi lalabas na iniimbestiga mo siya. Matalino ka, alam mo na kung paano ito gagawin.

Shalani at dyowa nakakaawa

Minsan naaawa ako kay Konsehala Shalani Soledad at sa lalaking napili niyang pakakasalan na si Rep. Roman Romulo. Nag-announce lang sila ng engagement nila eh kung anu-ano na ang masasamang balita ang lumalabas tungkol sa kanila.

Kanino kaya sa kanila galit ang tao at bakit? Napaka-cruel talaga ng sinasabi ng marami tungkol sa kanila. I’m sure naapektuhan din silang dalawa ng mga hindi magagandang balita na ikinukulapol sa kanila. Bakit ba masyado tayong cruel?