'Di sexy! Paulo dala-dalawa ang suot na underwear nang rumampa

PIK: Nagpa-presscon ang STAGES ni Carlo Orosa kamakalawa ng gabi para pormal na i-announce na bagong talent nila ang magkasintahang JayR at Krista Kleiner.

Itinanggi ni JayR ang isyung pera ang dahilan kung bakit umalis na ito sa poder ni Arnold Vega­fria.

Maayos siyang nagpaalam at nananatiling magkaibigan sila ng dating manager.

Gusto lang ni JayR na mag-concentrate sa kanyang singing career kesa sa acting. Naniniwala siyang mas maraming connection ang STAGES sa mga international recording companies lalo na sa Asian countries. Tingin nito ay mas maraming magagawa si Carlo sa kanyang singing career.

PAK: Kabado si Mark Herras nang rumampa sa nakaraang Cosmo Bachelor Bash dahil first time niya itong ginawa. Kaya hindi nito itinodo ng husto ang pagsayaw at pag-indak sa stage.

Nangako itong kapag imbitahan siya uli ng Cosmo, paghahandaan na niya ng husto at ibibigay na niya ng todo.

Hindi kagaya ni Rocco Nacino na talagang kinarir ang moment niya sa stage kaya aliw na aliw sa kanya ang mga kababaihan at bading. 

Tingin namin bad idea ang pagbaon ni Paulo Avelino ng gunting para gupitin ang suot niya pati ang underwear na ipinatong naman pala sa isa pa niyang underwear.

Hindi sexy ang dating na dala-dalawa pala ang suot mong underwear!

Sana may kinuha na lang itong girl na humawak ng gunting at ipinagupit ang kanyang suot.

Mas nag-enjoy pa kami kung ipinamigay na lang nito ang gunting para magamit pa namin sa bahay.

BOOM: Nati-tense kami sa balak ng kilalang aktor na mag-resign sa kanyang TV network dahil sa katitira sa kanya ng isang radio personality na kasama naman nito sa naturang network.

 Napapansin na kasi ni aktor na paboritong topic siya ni radio personality sa mga blind items nito.

Nalulungkot lang ito dahil nasa iisang bubong lang sila, siya pa ang paboritong topic sa mga blind items nitong si radio personality.

Naintindihan niya kung magkalaban sila ng network, at kung karamihan sa mga kuwento nito ay totoo, pero hindi naman.

Sagot naman ni radio personality, bakit inaako ni aktor itong mga blind items niya gayong hindi naman ito ang tinutukoy niya.

Pero sa mga nakakarinig sa mga kuwento ni radio personality, talaga namang si aktor ang lagi niyang bina-blind item at bigay na bigay pa ang clue, kulang na lang banggitin ang pangalan.

Komento ng ilang nakakakilala kay radio personality, gawain din naman niya itong mga ikinukuwento niya tungkol kay kilalang aktor.