Sarah may pasabog
MANILA, Philippines - Jampacked ang episode ngayong Linggo (September 18) ng ASAP Rocks, 12:15 ng tanghali.
Bukod sa mga inaabangang regular segments, tampok sa top-rating Sunday musical variety show ang grand farewell ng Guns and Roses na pinagbibidahan nina Robin Padilla, Bea Alonzo, Diether Ocampo, Ejay Falcon at Empress Schuck; newest album launch ni Rockoustic Heartthrob Sam Milby; teaser ng Toni @ 10 concert ni Toni Gonzaga; sizzling dance number ni Cristine Reyes na lead star ng No Other Woman; at bonggang birthday celebrations nina Teleserye Princess Erich Gonzales, Acoustic Diva Zia Quizon at Kapamilya heartthrob Jericho Rosales.
Sa temang ASAP Rock Icons, magpapasabog si Pop Star Princess Sarah Geronimo ng isang makapigil-hiningang concert performance na tiyak na magpapa-sing along at magpapasayaw sa mga viewers. Bukod kay Sarah, hahataw din sa ASAP Rocks sina Erik Santos, Jovit Baldivino, Richard Poon, Princess, Sitti, Vincent Bueno, Monica, Akiko, at Krissel. Mag-a-ala-rock icons sila na parang sina Elvis Presley, Michael Jackson, Madonna, Beyonce at Lady Gaga.
Si Toni naman, may song number kasama ang mga acoustic cuties na sina Markki Stroem, Alex Castro at Bryan Termulo.
Kaabang-abang rin ang inihandang production number ng mag-inang sina Divine Diva ZsaZsa Padilla at Zia Quizon at ng father-and-son tandems nina Mr. Pure Energy Gary Valenciano kasama si Paolo Valenciano at Concert King Martin Nievera at Robin Nievera.
Tiyak na mapapa-reminisce naman ang lahat sa paghataw ng mga iconic dance moves kasama ang ASAP Rocks Supahdance icons KC Concepcion, Jhong Hilario, John Prats, Rayver Cruz, Gab Valenciano, Kim Chiu, Maja Salvador, Iya Villania, Nikki Gil; ‘Dance Quad’ Enchong Dee, Empress, Jessy, Bugoy, Supahkids, Camper’s Champ, XB Gensan, B4 Kiss, teacher Georcelle at G-Force.
- Latest
