Mariel pamalit kay Shalani?

Hindi naman pala ganun ka-whirlwind ang courtship na naganap sa pagitan nina Cong. Roman Romulo ng Pasig at Valenzuela Councilor Shalani Soledad. Apat na buwan na silang magkakilala bago naganap ang kanilang engagement na kung saan ay binigyan ng nobyo ang kanyang magandang fiancée ng isang family heirloom bilang engagement ring.

Wala pang anunsiyo kung kailan ang balak na pagpapakasal ng dalawa. Baka biglain na naman nila ang lahat at sabihing bukas na ang kasal ha?

 Ano kaya ang reaksyon ni Willie Revillame sa co-host? Will Shalani quit the show, kaya ba lumilitaw ang pangalan ni Mariel Rodriguez na balitang inaalok para makasama sa programa?

Marlene Aguilar nag-explain sa ‘Kapraningan’

Sa isang hindi marahil sinasadyang pangyayari ay nasabi ni Jinkee Pacquiao sa kanyang interview sa programang Anggulo ng TV5 na napanood nung Miyerkules pagkatapos ng Aksyon Journalismo na isang dahilan para magkasira sila ng  kanyang asawang si Manny Pacquiao ay kung magkaroon muli ito ng anak sa labas.

Napaka-casual nang pagkakabanggit niya tungkol dito kung kaya hindi niya marahil napansin na kung dati ay isang espekulasyon lamang ito, sa ginawa niyang pagsasalita, she has confirmed ang isang bagay na dati ay itinuturing na isang haka-haka lamang, isang tsismis at pinag-uusapan sa mga umpukan.

The program was also able to research kung magkano na ang halaga ng pamilya ng boksingero na itinuturing na pangalawa sa pinakamayamang atleta sa mundo, at ang napakarami nilang negosyo na nagsimula nung unang tumunog ang pangalan ng Pambansang Kamao.

Kung inaakala ninyong isang malaking bagay na ’yung matuklasang may anak sa labas si Pacquiao, hintayin ninyong maipalabas ’yung episode na nagtatampok kay Marlene Aguilar dahil na-justify ng nag-interview sa kanyang reporter kung bakit may pagka-praning siya. Mahalaga ring malaman na nung nasa high school siya ay napasama siya sa grupo ng matatalinong mag-aaral na pinili ng da­ting pangulong Ferdinand Marcos na gawing experiment. Ginawang advance ng dalawang taon ang kanilang pag-aaral, layunin nito na makadiskubre ng mga natatanging mag-aaral na maaaring makatulong sa pamumuno ng bansa.

Wala pang isang buwang umeere ang Anggulo pero napakabilis ng pag-arangkada ng ratings nito. Tampok sa show ang mga personalidad na pinag-uusapan ngayon and presents different perspectives in their lives.

Pinamumunuan ni Luchi Cruz-Valdez ang grupo na maituturing na mga bagong pangalan pa sa larangan ng news reporting — Jove Francisco, Ina Zara, Benjie Dorango, Roices Nuguit-Sibal, at Maricel Halili.

Ang Anggulo ay mapapanood tuwing Miyerkules sa TV5. Maaari rin itong mapanood ng maaga, 8:30 p.m., sa Aksyon TV sa Channel 4 sa Mega Manila, Channel 29 sa Metro Cebu at Davao, Channel 1 sa Cignal Digital TV, at Channel 59 sa Sky Cable.