Recycled Gown?

CEBU, Philippines - Nahugyaw ang mga pageant fanatics tungod niining hulagway ni Miss Colombia Catalina Robayo nga nag-gown og susama sa gisul-ob ni Miss Philippines Shamcey Supsup sa Miss Universe pageant kagahapon.

Si Catalina maoy pambato sa Colombia sa Miss Universe kagahapon ug nagsul-ob niining maong gown sa Miss Colombia pageant. Taga Colombia ang naghimo sa gown ni Shamcey.

Recycled o managsama lang?

Hinuon, mas angayan si Shamcey sa maong gown itandi kang Catalina.

Oprah: Ms. Philippines ang angay’ng gipadaog!

Palpak ang duha ka sa labing kasaligan nga beauty pageant observers —www.globalbeauties.com ug www. missosology.org — sa ilang panagna sa mamahimong Miss Universe 2011.

Kini human si Miss Angola Leila Lopes maoy mipildi sa 88 ka mga kandidata gikan sa lain laing mga nasud atol sa koronasyon didto sa Sao Paolo, Brazil kagahapon.

Ang nahisgutang pageant observers, mitagna kang Miss Malaysia Deborah Henry ug Miss Ukraine Olesia Stefanko nga maoy mudaog. Sakto hinuon ang panagna nila nga mugawas ang pambato sa Pilipinas Shamcey Supsup nga 3rd runner-up.

Mikompleto sa royal circle si Miss Brazil Priscila Machado isip 2nd runner-up, ug Miss China Luo Zilin 4th runner-up. Si Miss Ukraine ang 1st runner-up.

Nasulod sa Top 10 ang pambato gikan sa Australia, Costa Rica, France, Panama, ug Portugal nga maoy midaog sa online voting. Mikompleto sa Top 16 sila si Kosovo, Colombia, Puerto Rico, Netherlands, USA, ug Venezuela.

Human nakoronahan nagkanayon si Lopes nga dako gyud og ikatabang niya ang iyang kadaugan aron mas makatabang pa siya sa iyang nasud.

"I've worked with various social causes. I work with poor kids, I work in the fight against HIV. I work to protect the elderly and I have to do everything that my country needs," nagkanayon ang 25-anyos nga si Lopes.

Q & A

Sa tanang kandidata nga gipangutana atol sa Final Question si Shamcey ra ang nag-English ug wala nagpatabang og interpreter. Ang reporter nga si Vivian Fox nangutana niini kang Shamcey: Would you change your religious beliefs to marry the person you love? Why or why not?“Tubag ni Shamcey: If I had to change my religious beliefs, I would not marry the person that I love because the first person that I love is God who created me. And I have my faith, my principles and this is what made me who I am. And if that person loves me, he should love my God. Thank you.

Oprah Factor

Ang usa sa labing influential nga personalidad sa tibuok kalibutan Oprah Winfrey, mipadayag og kalibog sa resulta. Para niya, kung ang Q &A performance ra gyud maoy basehan, tataw nga si Shamcey maoy labing bug-at og tubag ug maoy angay mudaog.

Si Oprah nagkanayon: "I have reservations with the results. If the only basis is the Q&A portion, after having been trimmed down to 5, Ms. Philippines deserved to win. What made her different from the rest is that she had no seconds to rethink of her answer as she had no interpreter to break the ice. The rest had their interpreters and having breaks on seconds to think about their answers. Hands down, Ms. Philippines answered straight to the point."

Lea: Hinimo Daan Ang Questions

Ni Ryan Mark

CEBU, Philippines - Tsika pa ni Lea Salonga nga hinimo na daan ang mga questions sa bag-ohay lang nga 2011 Miss Universe pageant. "All our questions are pre-written and each judge is assigned one. Luck of the draw,” suma pa sa gi-post nga mensahe ni Lea sa iyang Twitter account.

Lloydie Sa 100 Days

Gikatakda nga mo guest sa umaabot nga episode sa 100 Days To Heaven ang usa sa giisip nga pambato sa primetime sa ABS-CBN nga si John Lloyd Cruz.

Marian Gipangandoy Ni Alden

Tsika pa ni Alden Richards nga kung matagaan siya og tsansa nga makabaton og serye, si Marian Rivera maoy iyang ganahan nga mahimong leading lady.

Wala Nagbalik

Gihimakak ni Rich Asuncion ang isyu nga matud pa nakigbalik kaniya si Aljur Abrenica ug iyang gihangyo nga dili na unta sila intrigahon gumikan kay duna na’y Kylie Padilla ang aktor.