Snow World magbubukas na!

MANILA, Philippines - Halos lahat tayo ay nakarinig ng mga kuwento tungkol sa mga magic at iba pang kababalaghan na nangyayari kung may snow.

Sino nga ba ang makakalimot tungkol sa kuwento ng Snow Queen na nakatira sa isang malaking palasyong yelo? Tiyak na natatandaan pa rin ninyo ang tulay na yelo kung saan nagkikita ang mga magkasintahan. Puwede bang hindi natin maalala ang mga bahay na yelo na kumikinang sa iba’t ibang kulay? At ang Snow Tree na may magic na magbigay ng kahilingan ng kahit na sinong humiling doon ng kahit na ano.

Iyan at marami pang ibang mga snow characters kagaya ng mga ice fairies, isang malaking shoe house na gawa rin sa yelo, at maraming iba pa na makikita ngayon sa Snow World simula sa pagbubukas nito araw-araw sa Setyembre 9.

Idagdag na nga rito ang mara­ranasan ninyong totoong pag-ulan ng tunay na snow, sa loob ng isang attraction na ang temperature ay 15 degress below zero.

Ang snow world ay bukas mula alas-kuwatro ng hapon Lunes hang­gang Huwebes. At mula alas-dos naman ng hapon Biyernes hanggang Linggo.