Tonton at Glydel dalawang anak lang ang quota
PIK : Napagkasunduan na raw nina Tonton Gutierrez at Glydel Mercado na okay na sa kanila ang dalawang anak na babae para makapag-concentrate sila sa pag-aalaga sa mga ito.
Seven years old na ang panganay nilang anak na si Aneeza at ngayon ay seven months pregnant na si Glydel sa second baby nila.
Balak nilang si Aneeka Marie ang ipapangalan nila sa paparating na baby.
Bantang demanda kay Manay Lolit idinenay ni Angelica
PAK : Mariing itinatanggi ni Angelica Jones ang napabalitang balak nila ng kanyang Mommy na si Beth Jones na idemanda si Manay Lolit Solis dahil sa isinulat nitong kumikita diumano sila sa pagbebenta ng tuko.
Bahagi ng text ni Angelica; “Ha? Malaki ang respeto ko kay Nanay Lolit. Baka mga kalaban ko sa pulitika ang gumawa ng isyu para magalit sa akin si Nanay Lolit.”
Nakatakdang sagutin ni Manay Lolit ang isyung ito sa Startalk sa darating na Sabado, at baka magharap sila ni Angelica para malinaw ang isyung ito.
Asawa ni Camille malubha ang sakit
BOOM : Tumatanggi pa rin si Camille Prats na magpa-interview tungkol sa isyung nakaratay ngayon sa sakit ang kanyang asawang si Anthony Linsangan.
Nagsalita lang ito sa press conference ng Munting Heredera at kinumpirmang may karamdaman nga ang kanyang asawa pero okay na ito at gumagaling na.
Pero hindi niya sinabi kung ano ang sakit nito.
Ayon sa aming source, hindi pa rin daw matanggap ng mag-asawa na malubha na ang karamdaman ni Anthony kaya ayaw pa rin magsalita ni Camille.
Hindi na namin sasabihin kung ano ang sakit nito, at mas mabuting manggaling na ito kay Camille kung handa na itong magsalita tungkol sa tunay na kalagayan ng kanyang asawa.
- Latest
