Pagsibak kay Isabelle ni Pacman, idinenay!
PIK : Nagbigay ng statement ang mga taga-Manny, Many Prizes kaugnay sa isyung tinanggal si Isabelle Daza sa naturang game show.
Bahagi ng ipinadalang statement : “Model-turned-Kapuso actress Isabelle Daza will still be seen in Manny Many Prizes, contrary to rumors that she has been taken out of the show. She will now be a semi-regular co-host of the program to give way to her preparations for the new GMA show that will start taping soon.”
Bukod sa MMP ay abala pa rin naman daw si Isabelle bilang semi-regular sa Bubble Gang at Party Pilipinas.
Kasama rin siya ni Drew Arellano sa isang programa sa GMA News TV na 300 Kilometro.
Ayon sa manager nitong si Leo Dominguez, twice a month daw mapapanood si Isabelle sa MMP.
PAK : Inamin sa amin ni Arnel Ignacio na hindi raw talaga totoo ang tsismis sa kanila noon ng dating Survivor castaway na si Suzuki Sadatsugo.
Sinakyan na lang daw nilang dalawa ang intriga, pero sa totoo lang naging close siya rito dahil sa mga barkada ni Suzuki sa Tondo kaya madalas silang nakikitang magkasama.
Kaya niya ito sinabi sa amin dahil pinabulaanan din nito ang intriga sa kanila ng baguhang actor na The Hotmen member na si Kenneth Salva na may relasyon na silang dalawa.
Nakasama lang daw niya si Kenneth sa isang indie film na Bola, at nagkaroon ng mainit na love scene, pero hanggang doon lang daw iyun dahil wala na raw silang komunikasyon pagkatapos ng shooting.
BOOM : Pinag-uusapan na ngayon ang mga celebrities na posibleng makakasama sa bagong season ng Survivor Philippines na ihu-host ni Richard Gutierrez.
Ilan sa mga narinig namin ay ang guwapitong young actor na nanggaling sa isang talent search-reality show. Obvious namang Starstruck di ba?
Ang isa naman, comedienne TV host na maintriga rin ang buhay dahil sa pagka-link sa isang maimpluwensyang politician.
Meron din daw isang comedienne young actress na tiyak riot din ang mga gagawin nito sa isla kapag kasali nga siya.
Meron pa raw isang young actor na matagal nang napagdudahan ang kasarian at baka mag-open na raw ito kung sakaling magkabukingan na sa isla.
- Latest
