Phil waging no. 1 bachelor

Very proud tiyak si Angel Locsin dahil si Phil Younghusband ang number one bachelor ng CosmoMen, ang supplement ng Cosmo magazine at ang Azkal member din ang cover ng supplement.

This September lalabas ang magasin at meron silang presentation - Cosmopolitan Bachelor Bash 2011.

Payagan kaya sina Phil, Anton del Rosario, at Aly Borromeo ng management ng Azkals na rumampa? Siguradong marami ang madi-disappoint na fans ng Azkals kung absent ang tatlo sa Cosmo Bachelor Party sa September 15.

Gary V. sinapawan ng anak sa sariling presscon

Hindi sinasadyang naagawan ng eksena ni Gab Valenciano ang amang si Gary Valenciano sa presscon ng huli para sa 28th anniversary special nito sa ABS-CBN sa Sunday, 10:45 p.m. billed With Love, Gary Valenciano. Nagka-interes ang press sa inamin ni Gab na two months na silang on ni Isabel Oli.

Nakangiti lang si Gary habang nakikinig kay Gab talking about his relationship with Isabel na nakilala niya sa church. Nakilala na nina Gary at Angeli Va­lenciano-Pangilinan ang GF ng anak, pati ang buong pamilya nito at ang ganda ng sinabi ni Gary na, “she does a lot of good for Gab.”

Anyway released na rin ang album ni Gary na naglalaman ng theme songs ng movie at TV shows na kinanta ni Gary. Ang Where Do I Begin (Love Story) ang carrier single ng album under Star Records. 

Direction ni Johnny Manahan ang TV special na 25th anniversary presentation din ng Manila Genesis Entertainment. Maraming guests at kinakabahan si Gary dahil baka nilaglag siya.

Pagpapa-cute ni Derrick Monasterio hindi pinapansin ni Janine Gutierrez

Aliw ang kaibigan namin sa pagpapa-cute ni Derrick Monasterio kay Janine Gutierrez ‘pag nagkikita ang dalawa sa Party Pilipinas. Naroong yayaing sabay silang kumain ni Janine, pero dedma ang dalaga. Ilang beses na ring hinihingi ni Derrick ang number ng dalaga, pero hindi siya successful dahil hindi ibinibigay sa kanya.

Kahit kinakantyawan ng mga kaibigan, ayaw magpataranta ni Derrick, si Janine ang latest crush niya at mukhang naka-get over na siya kay Bea Binene. Ibig sabihin lang, mahilig talaga sa older girls ang binatilyo dahil balak din niyang ligawan si Rhian Ramos when he turns 18.

Samantala, sa horror movie ng GMA Films na The Road next mapapanood si Derrick at sa October 12 na raw ang showing.

Angelica belong sa movie nina Kris at Dingdong

Sa Sept. 5 na sisimulan ni Direk Joyce Bernal ang shooting ng Segunda Mano, ang entry nina Kris Aquino at Dingdong Dantes sa MMFF. Kasama sa cast sina Jhong Hilario at Angelica Panganiban na si Kris mismo ang kumausap at pumayag.

Hindi ba kami nagkakamali na si Angelica ang gaganap na first wife ni Ding­dong? If ever, hindi ito ang first project nila together dahil magkasama silang endorser ng isang brand ng sapatos.

Co-produced ang Segunda Mano ng Star Ci­nema, Agostodos Pictures ni Dingdong at Cine Media nina Kris at Deo Endrinal.

Aljur hindi kasama sa sundo

Na-tweet ni Ynna Asistio na hindi kasama sa Sundo  si Aljur Abrenica dahil si Alden Richards ang kasama nila at makakapareha ni Louise delos Reyes. So, posible pa ring sina Aljur at Kylie Padilla ang pagtambalin ng GMA 7.