Shamcey Supsup madaling iboto
MANILA, Philippines - Madali lang palang iboto si Shamcey Supsup sa Miss Universe para makasama siya sa semi finals nito sa gaganaping coronation night na mapapanood ng live mula sa Sao Paulo, Brazil sa September 12.
Ito ang kauna-unahang pagkakataon na puwedeng bumoto ang lahat para sa first ever worldwide fan vote sa 60th Annual Miss Universe.
Go lang kayo sa website ng Miss U at may guide para bumuto. Segundo lang ang kailangan.
Kathryn at Julia isinabak sa GU
Magbabalik telebisyon simula September 4 sina Kathryn Bernardo, Julia Montes, Diego Loyzaga, at ang bagong heartthrob na si Daniel Padilla sa Growing Up, ang pinakabagong barkadahan sa telebisyon.
Samahan sina Ella (Kathryn Bernardo), Tammy (Julia Montes) at ang kanilang buong barkada sa kanilang misyon na tulungang maipagamot ang kanilang paboritong guro na si Miss Lisa Ortega (Maricar Reyes) nang matuklasan nilang ito ay may malubhang karamdaman.
Susubukan nilang sungkitin ang premyo sa iba’t ibang paligsahan upang matulungan ang kanilang pinakamamahal na guro. Kasabay nito ay pagdaraanan nila ang ilang pagsubok patungkol sa kanilang mga sarili, pangarap, at pag-ibig.
Sa ilalim ng direksyon ni Lino Cayetano.
- Latest
