Minus ang gown ni Anne?

CEBU, Philippines - Daghan ang wala makauyon sa gisul-ob nga gown ni Anne Curtis atol sa Philippine Fashion Ball niadtong Lunes nga mugna ni Rajo Laurel. Bastos matud pa ug murag barat nga pagka babaye na hinuon matud pa tan-awon si Anne sa maong gown, nga sa maong adlaw pa gimugna ni Rajo.

Ikaw na gyud Anne!

Daghan ang nakadayeg kang Anne Curtis gumikan sa nagkadaiya niyang charitable activities, apan nagpakahilom lang kini gumikan kay gusto niya motabang sa iyang isigkatawo sa hilom nga pamaagi.

Mangitag puli ni Paulo

Magpa-audition pa ang GMA-7 og ihulip kang Paulo Avelino alang sa umaabot nga afternoon soap Kung Aagawin ang Lahat, diin bida sila si Carla Abellana ug Michelle Madrigal. Ang maong soap maoy muhulip sa Sisid. Kahinumduman nga milayat na si Paulo paingon sa ABS-CBN.

Palig-onon ang Iskul Bukol

Apil na matud pa sila si Jose Manalo ug Wally Bayola sa second season sa TV5 sitcom Iskul Bukol. Lakip sa original casts sila si Keempee de Leon, Alwyn Uytingco, ug Sam YG.

Julia ug Coco ang magpares

Sila si Julia Montes ug Coco Martin maoy sunod nga pareson sa ABS-CBN isip follow-up project sa actor human sa Minsan Lang Kitang Iibigin. Malakip matud pa niini ang labing bag-ong kapamilya nga si Paulo Avelino.

Paris perteng dayeg sa Pinas

Top 10 trending topic sa Twitter si Paris Hilton kagahapon sa buntag human niya og post sa iyang hulagway kauban ang boxing champ nga si Manny Pacquiao ug asawa niini nga si Jinkee. Kuha ang maong hulagway atol sa dinner bash nga gipahigayon sa magtiayon alang kang Paris.

Ang caption sa hulagway nagkanayon: Love this pic from tonight of me with Manny and Jinkee Pacquiao. What an amazing couple they are! Love them! :),"

Samtang puros pagdayeg ang gipauwan ni Paris sa Pilipinas ug sa magtiayong Pacquiao pinaagi sa iyang website. Niya pa: I am loving the Philippines! Having the best time! Went to dinner with my friends Manny and Jinkee Pacquiao tonight. They had a dinner party for me and introduced me to all their lovely friends. We all had so much fun talking and laughing . The people in the Philippines are so warm, welcoming, genuine and sweet. The Pacquiao's are such a beautiful and amazing couple! Manny is such an incredible boxer and great friend. Jinkee looked so stunning tonight, she had the hottest Herve Leger dress on. Such a memorable evening! I feel lucky to have such special people in my life. Love Paris xoxo."