Nakakakabang mga eksena, tuloy sa Sisid

MANILA, Philippines - Tuloy ang mainit na pagtanggap sa afternoon program na Sisid kung saan bida sina Jackie Rice, JC Tiuseco, Dominic Roco, Rich Asuncion at dinidirek ni Ricky Davao dahil sa mga nakakakabang mga eksena.

Sasabihin ni Monique kay Alona ang tungkol kay Perla dela Vida subalit hindi kumbinsido si Alona na ito si Eden dahil alam niya kung anong totoong nangyari rito. Dahil naman sa pagbagsak ng kanilang mga resort ay mas lalong magiging involved si Sig dito na magtutulak sa kanya para hanapin at kausapin si Pearl dela Vida. Mapigilan kaya ito ni Monique?

Magtagpo na kayang muli sina Sig at Eden ? Upang malaman niya ang bawat hakbang nina Alona at Segismundo, isang dating kaaway ang lalapitan ni Eden at gagawing espiya, si Perla. Subalit dahil dito, di sinasadyang magtatagpo sina Eden at Ahmed.

Kukuhanin ni Eden sina Perla at Frida bilang ka­tulong at kasabay nito ay gagawin naman niyang espiya kina Alona si Perla. Patuloy naman ang pagiging involved ni Sig sa family business nila na ikinatatakot ni Monique dahil baka magtagpo sila ng landas ni Perla dela Vida, na iniisip ni Monique na si Eden.

Dahil naman sa pagkikita nila ni Eden ay aalamin ni Ahmed kung saan ito matatagpuan at sa kanyang pagsunod kina Frida ay makikita niya si Eden subalit mahuhuli sila ni Ramon.

Lalabas ang pagiging seloso ni Ramon nung makita niyang nakayakap si Ahmed kay Eden.

Malalagay sa panganib ang buhay ni Ahmed. Sa kanilang muling pagkikita ay ‘di na gugustuhin ni Ahmed na malayo kay Eden kaya’t kukulitin niya si Eden na magtrabaho para dito. Dahil sa pag-alala naman ni Monique na baka nga si Eden si Pearl dela Vida ay mamadaliin nila ang kasal nila ni Sig na malalaman naman ni Eden. Mangangako si Eden na sisirain ang kasal nina Sig at Monique. Pasusundan naman nina Alona si Ramon at paiimbestigahan subalit mahuhuli sila ni Ramon at dahil dito, mapipilitan sina Alona na kunin si Ramon bilang ninong nila Sig sa kasal.