Solenn isinisekreto ang dyowa

Marami ang nagulat na makakita ng mga announcements ng concert ni Solenn Heussaff. Marami kasi ang hindi nakakaalam na kumakanta siya at meron na siyang nagawang album.

Napaka-sexy ng Kapuso star sa kanyang mga posters. Talagang nanaisin mo na panoorin siya sa con­cert if only to prove na meron nga siyang ibubuga bilang isang singer. Baka kasi sa rami nang gusto niyang gawin ay hindi na siya makapag-concentrate sa kahit na isa. Like, ano ba ang gusto niya, kumanta, umarte, mag-painting, mag-make-up sa iba? Sa rami niyang alam na gawin, tuloy hindi malaman ng tao kung saan siya pina­kamagaling at most effective.

Ang daming kalalakihan ang interesadong malaman if she’s available pero sa kanya na rin nanggaling na taken na siya, secret nga lamang at ayaw niyang sabihin kung sino ang boyfriend niya.

Geoff uneasy dahil sa mga ginagawa ni Carla

Hiyang-hiya si Carla Abellana na mag-pose sa men’s mag pero hindi ito nag-atubili na sumabak sa kanyang mga love scenes sa pelikuka niya sa Regal. Totoo kaya na nagbibigay ito ng uneasy moments sa kanyang boyfriend na si Geoff Eigennman?

Hindi naman siguro dahil artista rin si Geoff at alam nito ang mga requirements ng kanilang trabaho, kaya lang hindi rin natin siya masisi kung magselos siya sa mga ginagawa at tinatanggap na roles ngayon ng kanyang girlfriend to prove her versatility and professionalism.

Siguro lang din Geoff has to live with it, para lamang maging matiwasay ang kanilang relasyon.

Akting ni Nora namana ng kanyang mga ‘anak’

Huwag nang mag-react kung gustuhin man ni Nora Aunor na makasama sa mga proyekto niya ang kanyang mga anak. After all, walang magsasabing hindi magagaling na artista ang mga anak niya, magmula kay Ian de Leon hanggang kina Lotlot at Matet. Nagmana silang lahat sa kanilang ina pagdating sa pag-arte.

Dahil sa Azkals, Bea humaba ang role

I’m sure makakatulong ng malaki sa Tween Academy Class of 2012 ang pagkakasama sa pelikula ng ilang Azkals players. Bukod sa mga sikat din sila ay baka matuklasan pa na magaling din silang umarte at mayroong mapagkakakitaan habang hindi pa season ng football.

Suwerte ni Bea Binene dahil sa istorya niya makikita ang mga Azkals, makakapaglaki ito sa role na ginagampanan niya.

Marami ang hindi nakakaalam na isa ring atleta si Bea at maitututuring din na jack of all trade. Masuwerte ang alaga kong si Jake Vargas na maka-loveteam siya.

 Sana,tangkilikin ang tandem nila ng mga fans.