Bagong Gerald at Sarah movie sure na!

Sure na ang pelikula na gagawin nina Gerald Anderson at Sarah Geronimo.

Ang Viva Films at Star Cinema ang produ ng pelikula na ipalalabas sa mga sinehan bago matapos ang 2011.

Ayaw munang sabihin ng mga produ ang title ng second movie team up nina Gerald at Sarah. Pagsasamahin uli sa isang pelikula ang dalawa dahil blockbuster ang film project nila noong nakaraang taon.

Malakas ang chemistry nina Sarah at Gerald kaya hindi surprising na binigyan sila ng bagong pelikula ng Viva Films at Star Cinema.

JC nag-emote sa anomalya sa Barrakz

Nabasa ko ang reklamo ni JC De Vera tungkol sa datung na investment nila sa Barrakz Bar & Restaurant.

May katuwiran si JC at ang ibang investors na mag-complain dahil pinagpaguran nila ang pera na isinosyo nila sa restaurant na nagsara dahil nalulugi raw.

Ang sey ni JC at ng mga eyewitness, maraming customer ang Barrakz kaya nakapagtataka na nalugi ang kanilang negosyo.

Ipinagtapat din ni JC na may kakilala siya na expert sa pagma-manage ng bar at restaurant. Nag-try daw siya na ipasok sa Barrakz ang kanyang friend para maayos nito ang mga mali sa management ng bar.

Nag-volunteer pa si JC na makikihati siya sa monthly salary na ibabayad sa kanyang kaibigan pero hindi raw pumayag ang manager na si Lito Alejandria.

Pinanindigan daw ni Lito na hindi na kailangan sa Barrakz ang friend ni JC dahil smooth at walang problema sa operations ng negosyo.

Walang problema pero nagsara? May mga question si JC na nangangaila­ngan ng kasagutan at masyadong makahulugan ang kanyang dialogue na mara­ming anomalya sa negosyo nila na nagsara.

Ano kaya ang mga anomalya na sinasabi niya?

Direk Rico ang sipag mag-promote

Lumipat na pala sa TV5 ang direktor na si Monti Parungao na naging direktor namin sa Tweetbiz.

Dating taga-GMA 7 si Monti at siya ang namahala sa Survivor Philippines. Na-meet ko siya nang magpunta ako sa Thailand noong nakaraang taon para sa taping ng celebrity edition.

Inihahanda na ng GMA 7 ang pagbabalik sa TV ng Survivor Philippines Season 4. Masipag si Rico Gutierrez sa pagpo-post sa mga social networking site ng teaser ng Season 4 ng hit reality show ng Kapuso network.

Posibleng si Rico ang direktor ng Survivor Philippines Season 4 dahil nag-ober da bakod si Monti sa TV5. Sanay na sanay si Rico sa pamamahala ng isang reality show dahil siya ang direktor noon ng Extra Challenge, ang dating programa ni Paolo Bediones na matagal na namayagpag sa ratings.

Erik hindi naningil ng TF

Tonight na ang concert ni Erik Santos sa Music Museum. Ang aking bestfriend Pinky Tobiano ang produ ng concert para sa mga kababayan natin na nagdurusa sa sakit na cancer.

Bilib na bilib si Pinky kay Erik dahil tinanggap kaagad nito ang benefit concert na inialok niya. Hindi raw mahirap kausapin si Erik dahi nalaman nito na for a good cause ang show.

Pumayag din na umapir sa concert sina Pops Fernandez at Angeline Quinto na nali-link kay Erik. Parehong loveless sina Erik at Angeline kaya sila ang pinagma-match ng fans.

After Rufa Mae Quinto. si Angeline na ba ang girl na future Mrs.Erik Santos? Why not?

Marami nang himala ang nangyayari sa ating paligid!