Angel buhay na buhay, hindi kasama sa lumubog na luxury yacht sa Paris

Mabilis na nag-react si Angel Locsin sa kanyang Twitter account sa headline ng Global Associated News: Luxury  yacht sinks off coast of St. Tropez France Actress Angel Locsin reported missing.

Nakalagay kasi sa story : “The French Maritime Gendarmerie, a division of the French Navy responded to distress calls from 10 persons aboard a 120 luxury yacht cruising off of the coast of St. Tropez. Actress Angel Locsin was reportedly vacationing aboard the privately chartered vessel.

“Search and rescue teams have been dispatched to the location of vessel with the aide of GPS emergency tracking devices and confirmed that it is completely submerged. Due to severe weather conditions and rough seas, rescue teams were forced to retreat.”

Obviously, mabilis na nakarating kay Angel ang balita kaya agad-agad din siyang nag-react para si­guro matahimik ang mga taong nag-aalala sa kanya dahil totoong nasa Paris siya sa kasalukuyan dahil ipinalabas doon ang pelikula nila ni Aga Muhlach na In The Name of Love at para sa ABS-CBN Caravan. Nag-tweet siya :“Hi guys!. Kumusta kayo? Nag-log on lang po to let everyone know that I’m safe and not missing in Paris. Not true,” sabi ni Angel tungkol sa online news ng Global Associated News.

Pekeng Ricky Lo account sa twitter tuloy ang panloloko

 Hindi pa rin tumitigil ang poser ni Tito Ricky Lo sa Twitter.

Yup, walang twitter account ang TV host-entertainment editor ng The Philippine Star.

Makapal din ang face ng nasabing poser dahil hindi talaga siya tumitigil sa pagpapanggap. In fairness meron na siyang more than 13,000 followers.

Marami na ang nabiktimang artista ng nagpapanggap na Ricky. May ilang alam na peke na ang account ni Tito Ricky, pero marami pa ring naniniwala na siya mismo ‘yun.

Paris Hilton kumpirmado darating sa ‘Pinas ngayong buwan!

Confirmed na darating sa bansa ngayong buwan si Paris Hilton. Tsika ni Ruffa sa kanyang Twitter account : “Exciting news for Pinoys! Confirmed. @ParisHilton arrives in Philippine Shores this August. More details when I’m allowed to share with u.?”

Pero maya-maya ay nag-tweet uli si Ruffa : “I was given the go-signal to share with you that Ms. @ParisHilton is now a Century Properties Global Ambassador. She will be working on the interior design of Azure Beach Club. Congratulations to both Paris and Century Properties! Bongga!”

Kamakailan lang ay pinag-usapan si Paris sa Amerika nang mag-walk out siya sa programang Good Morning America nang maungkat ang tungkol sa sinasabing pagkalaos niya dahil hindi nag-rate ang programa niyang The World According to Paris.

Naging kaibigan ng mag-asawang Manny at Jinkee Pacquiao si Paris sa Amerika dahil mahilig itong manood ng boxing at sinabi nga nito sa kanyang Twitter account na dadalaw nga siya ng bansa.