Andi misaad sa fans

CEBU, Philippines - Gipasalig ni Andi Eigenmann ngadto sa iyang mga fans nga mobalik gyud siya sa showbiz human niya og panganak karong Disyembre. Mapasalamaton ang aktres sa iyang fans gumikan sa suporta niini ngadto kaniya bisan paman sa iyang sitwasyon karon.

Palagot sa kontra?

Gi- congratulate ni Katrina Halili sila si Dr. Vicki Belo ug Hayden Kho, Jr. alang sa plano niini nga magpakasal. Dili na mohatag og komento si Katrina sa isyu tali kaniadto nila ni Hayden partikular na sa sex scandal controversy.

Pag-sure diha Pacman

Gikatahong dili sundon usahay ni Manny Pacquiao ang nakasuwat sa idiot board sa programa niya nga Manny Many Prizes busa dunay mga higayon nga mag-overtime ang maong game show.

Lauren nahulga kang Charee

Giangkon ni Lauren Young nga nahulga siya sa presensiya ni Charee Pineda sa serye niya nga “Mula sa Puso” gumikan kay posibleng mo-click ang tandem nila ni Charee ug JM de Guzman sa maong serye.

Heart misuporta sa RH-Bill

Mipatim-aw kagahapon sa senado si Heart Evangelista aron suportahan si Sen. Miriam Defensor-Santiago kinsa uyon sa   kontrobersiyal nga Reproductive Health Bill.

Rhian in, Heart out

Si Rhian Ramos maoy gikatahong ihulip sa karakter ni Heart Evangelista sa seryeng Cain at Abel sa GMA-7 kung diin usa sa mga bida niini ang aktor nga si Dingdong Dantes.

Mobalik ra lage!

Gipasalig sa kampo ni Maricel Soriano nga mobalik ra gyud ang aktres sa showbiz ug gani duna pa kini nakalinya nga mga proyekto sa TV 5.

Saktong panahon

Gipahibalo sa magtiayong Judy Ann Santos ug Ryan Agoncillo nga maabot ra ang saktong panahon nga ila ra nga ipakita sa publiko ang anak nila nga si Lucho ug gusto una nila nga ipabilin ang privacy niini karong panahona.

Julia kontento na sa career

Dili problema alang kang Julia Montes kung wala siya’y permanente nga ka-loveteam gumikan kay trabaho maoy iyang giapas sa pagdawat niya og mga project.

No.1 si Christian

Nasulod sa number 1 spot sulod na sa pipila ka mga adlaw ang awit ni Christian Bautista nga “I’m Already King” sa MYX Daily Top 10.

Kapusong Amanda?

Gidungog nga interesado nga kuhaon sa GMA-7 isip usa sa ilang mga talent ang kontrobersyal nga modelo nga si Amanda Coling human nagsunod-sunod na ang guesting niini sa nagkadaiyang programa sa maong istasyon. (Sanden J. Anadia)