Katrina Halili nag-congratulate kina Hayden at Dr. Belo

SEEN: Mabagal ang improvement ni Congressman Manny Pacquiao bilang host ng Manny Many Prizes. Hindi niya sinusunod ang mga nakasulat sa idiot board na ipinababasa sa kanya ng production staff.

SCENE: Katawa-tawa si Katrina Halili nang i-congratulate nito sina Drs. Vicki Belo at Hayden Kho, Jr. dahil sa nalalapit na pagpapakasal ng dalawa.

Tapos na ang kaso na isinampa ni Katrina laban kay Hayden, tapusin na rin niya ang pagkokomento sa mga bagay na may kinalaman sa dating nakarelasyon.

SEEN: Ang “Mga Salamat Po Dok” scene nina Katrina Halili at Ynez Veneracion sa Munting Heredera.

Natalbugan ni Ynez si Katrina dahil malaki ang kanyang iginanda.

SCENE: May hamon sa mind master na si Nomer Lasala na basahin ang nasa isip ni Amanda Coling upang malaman ang katotohanan sa bintang na inabuso siya ng apat na miyembro ng Philippine Azkals.

SEEN: Hindi na hot ang controversy ng pagbubuntis ni Andi Eigenmann. Pero mabubuhay at pag-uusapan uli ang eskandalo sa sandaling isilang niya sa November ang kanyang anak.

SCENE: Pinalalaki ang isyu na susunduin ni Batangas Governor Vilma Santos sa airport si Nora Aunor sa pagdating nito. Busy si Vilma sa Batangas dahil mas kailangan siya ng kanyang constituents.

SEEN: Matatanda na sina Jean Garcia at Cherie Gil para mag-away sila sa isang teleserye na hindi naman sila ang mga bida.

SCENE: Ang pakiusap ni Heart Evangelista sa kanyang Twitter followers na i-block ang babae na nanakot at nagkakalat ng morbid news laban sa kanya.