Hindi talaga kayang makipagtsurbahan sa babae, kabadingan ng young actor umalingawngaw na

PIK: Maingat ang mga sagot ni Patrick Garcia tungkol sa napabalitang inaayos na nito ang pagpapalit ng apelyido ng anak niyang si Alex Jazz.

Matagal na niyang hangad na masunod na sa apelyido niya ang kanyang anak pero nung una ay kontra rito si Jennylyn Mercado.

Pero ngayon ay pumapayag na ang ex-girlfriend, pero ayaw pang mag-comment ni Patrick tungkol dito dahil wala pa naman.

Mahirap na at baka magbago pa ng desisyon si Jennylyn kaya maingat ito sa mga sinasabi niya.

PAK: Muli na namang pinag-uusapan sa ilang social network sites ang tungkol sa young actor na galing sa isang talent reality search.

Naungkat na naman ang isyung kabadingan dahil naglabasan na ang ilang karakter na na-link sa kanya.

May isa pang babaeng na-link din sa kanya pero ginagamit lang ito ni young actor na may pagka-hunk na ang dating.

Hindi talaga nito maatim na makipagtsurvahan sa girl dahil boylet talaga ang type niya.

Kaya lumabas na kung sinu-sino itong mga bading din na nali-link sa kanya.

Meron pang isa roon na binabalak pa nilang magpakasal sa Amerika.

Ang malala pa, involved pa ang isyung drugs sa pagkaka-link ni young actor sa iba’t ibang bading!

Inaasahang itatanggi na naman ito ni young actor. Pero ilang kaibigan namin ang nagsasabing may bahid ng katotohanan itong mga kuwentong naglalabasan tungkol sa tunay niyang kasarian.

BOOM: Ini-enjoy na ni Amanda Coling ang isyung kinasangkutan nito kaya kabi-kabila pa rin ang mga TV guestings niya.

Isa si Amanda sa mga special guests sa anniversary ng Co­medy Bar na tineyp sa Zirkoh bar nung isang gabi.

Inaamin naman ni Amanda na noon pa man ay very vocal na siya sa pagsasabing gusto talaga niyang mag-artista.

Pero nilinaw nitong hindi niya ginagamit ang isyu niya sa Philippine Azkals dahil never naman niyang siniraan ang mga football players magmula nung nagsalita siya.

Wala na siyang magagawa kung nega pa rin ang dating niya pero siya ang agrabyado rito dahil wala naman siyang sinasabi laban sa sikat na football team ng bansa.