Iza Calzado lalayas na sa GMA 7

SEEN: May balita na malapit nang umalis si Iza Calzado sa GMA 7 dahil lilipat na siya sa ibang TV network.

SCENE: Mahaba ang pila sa mga sinehan sa Metro Manila na pinagtatanghalan ng Captain America. Pinilahan ang pelikula ni Chris Evans sa kabila ng maulan na panahon.

SEEN: Nagbunga ang paglantad ni Amanda Coling sa mga showbiz talk shows dahil may mga TV guestings na siya. Nakilala si Amanda dahil sa kontrobersiya na biktima siya ng pang-aabuso ng mga miyembro ng Philippine Azkals.

SCENE: Puspusan ang pagpa-practice ng basketball ng male talents ng Star Magic dahil pinaghahandaan nila ang 2nd Star Magic Games 2011 na gaganapin sa Linggo.

SEEN: Buhay na buhay si Ely Buendia. Hindi totoo ang kumalat na balita kahapon na sumakabilang-buhay siya.

 SCENE: Sina Kris Bernal, Rocco Nacino, at Mark Herras ang mga bida sa Time of My Life. Suporta na lang ni Rocco si Steven Silva, ang Ultimate Male Survivor ng Starstruck V.

SEEN: Ngayong hapon ang Leg 2 match ng Philippine Azkals at Kuwait sa Rizal Memorial Stadium. Tinalo ng Kuwait ang Azkals sa Leg 1 ng kanilang laban para sa 2014 FIFA World Cup Qualifier noong nakaraang Sabado.