Para raw hindi na ma-zero, Angel nire-request sa isa pang laban ng Azkals sa Kuwait

May kinalaman daw si Amanda Coling sa pagkatalo ng Philippine Azkals sa Kuwait kamakalawa bukod pa sa suspension ng kanilang team captain na si Ali Borromeo. Na-distract kasi ang ibang player sa pagsulpot sa eksena ng sinasabing biktima nang pambabastos ng apat na player ng Azkals kahit nag-wish siya ng panalo ng grupo.

Zero ang Azkals kamakalawa laban sa mga Kuwaiti kaya naman nag-e-emote ang ibang fans. Baka nga naman may epekto ’yun sa grupo kahit pa sinasabing nag-effort naman talaga sila na manalo sa laban na ginanap sa Kuwait. Masyado lang talagang malakas ang grupo ng Kuwaiti na almost 50 ang pagitan ng ranking ng Azkals sa over all standing sa Federation Internationale de Football Association (FIFA).

Lumabas kamakailan si Amanda Coling sa mga talk shows. Though wala naman siyang sinabi tungkol sa detalye nang umano’y panghaha­lay sa kanya ng apat na miyembro ng mga Pinoy football players. Nung una ay nagtatago pa siya, as in hindi nagpapakita ng mukha, pero oras lang ang pagitan, hayun at nagpa-interview ng one on one. May isang laban pa ang Azkals sa mga Kuwaiti. Sa bansa gaganapin ang laban. Manood kaya si Amanda?

Bonggang scenario ’yun!

But wait kung lumipad kaya si Angel Locsin sa Kuwait, naka-score kaya si Phil Younghusband? Muntik na muntik na ang sipa ni Phil, hindi lang natuloy. Sana manood si Angel sa laban nila sa bansa kasi nang manood siya sa unang laban nila, wagi ang team. 

Kalahati ng Araneta binili ni MVP

Si Ruffa Gutierrez ang nagbalita sa kanyang Twitter account na nabili ni Mr. Manny V. Pangi­linan ang kalahati ng Araneta Coliseum kaya hindi lang sa NBA vs. PBA exhibition game makikita ang Smart Araneta Coliseum na dating pag-aari ng mga Araneta, forever na itong Smart Araneta Coliseum.

“Confirmed! MVP bought half of the Araneta Coliseum so new name is now Smart Araneta Coliseum. Not just for this weekend but for good,” tweet ng Kapatid TV host-actress.

Marian mas pinaboran ng Kapuso?

Parang hindi gaanong kinagat ang mga sinasabi ni Heart Evangelista tungkol kay Marian Rivera. Dedma lang ang karamihan. Wala na, hindi na pinag-uusapan. Pinalabas naman sa ibang talk shows sa Channel 2 at TV5, pero parang napansin kong hindi ipinalabas sa ibang GMA 7 shows. Ewan ko lang kung hindi ko lang napanood sa mga talk shows.Pero sa news programs nila parang wala.

Sabi naman ng isang may alam sa kuwento, may tumatakbong serye si Marian, ang Amaya, at mataas ang rating kaya baka makaapekto pa sa rating nito kung palalakihin ang kuwento. Nauna nang may nagbalita na may gag order ang Kapuso sa nasabing bangayan ng dalawa.

May instruction na ’wag nang palakihin ang kuwentong ’yun. So, bottomline, protektado talaga si Marian ng kanyang network. Malaki nga naman ang nagawa niya para sa Kapuso Network.