Kapamilya star plantsado na rin ang kontrata sa Kapatid!
PIK: Successful ang pilot episode ng bagong primetime game show ng GMA 7 na Manny, Many Prizes ni Manny Pacquiao na nagsimula na nung nakaraang Sabado.
Talagang namigay lang sila ng mga pera nung araw na ’yun para malakas ang dating at lalong dadagsain ito ng mga manonood.
Sulit naman ang paghihintay ng mga tao dahil lahat sila ay hindi umuwing luhaan at kahit ang mga natalo sa mga games ay malaki ang perang inuwi.
At kahit hindi nakuha nung isang taga-Payatas na si Jun Roldan ang jackpot sa huli nilang palaro, ibinigay pa rin ni Manny ang lupa’t bahay dahil nakakaawa ang kalagayan ng matanda.
“Talagang ibibigay namin iyon dahil nagsisimula pa lang kami at gusto talaga naming makatulong sa mga mamamayan,” pahayag ni Manny.
Sa mga susunod nilang episode ay lilipat na sila sa mas malaking lugar para maraming ma-accommodate.
PAK: Totoo kayang merong isa pang Kapamilya talent ang nakatakdang lumipat ng Kapatid Network?
Halos plantsado na ang kontrata at baka sa susunod na buwan ay ia-announce na ng TV5 kung sino ito.
Ang clue: Hindi siya umaarte sa mga drama series.
BOOM : Mukhang lalala ang alitan nina Iwa Moto at Janna Dominguez dahil sa isyu nila kay Mickey Ablan.
Panay pa ang pasaring ni Iwa sa Twitter account nito kaya parang napipikon na si Janna.
“Ang sabi ko na lang, okay lang ’yung mga sinasabi niya sa Twitter as long as hindi niya ako tinatapakan, hindi ako nasasaktan, ’yung puro lang salita, okay lang ’yun.
“Ang hirap kasi ’pag ang tao tumahimik, nag-iingay naman ang isa. ’Pag ang tao tumahimik na nagsasalita ang isa, ikaw ’yung masama. Hindi lang namin alam kung saan ka lulugar ngayon.
“Pero once na kinanti niya or anything, ayoko na ng ganun. Kung ako nanggulo sana noon pa. Hindi eh, wala naman akong kailangang gawan ng eksena or anything eh. “Basta ako happy and contented,” mahabang pahayag ni Janna.
Mukhang nakahanap naman si Iwa ng kapalit dahil may kasama rin pala siya sa FHM Victory Party.
Wala nga lang nakakilala kung sino itong lalaking nakitang ka-holding hands ng seksing aktres.
- Latest
