Morenong aktor na may kaya ang pamilya, nagpapabayad na sa mga bading kahit murang quickie

PIK: Sa mga hindi pa nakaalam sa isang sikreto ni AiAi delas Alas. Alam n’yo bang laging may baon itong Cobra energy drink para may lakas pa rin siya kahit marami siyang ginagawa?

Hindi endorser si AiAi ng nasabing energy drink pero ito pala ang lagi niyang dinadala kapag naglalagare ito sa trabaho.

Nung patapos na ang Pilipinas Got Talent (PGT, Season 2), parang wala itong kapaguran dahil galing pa ito sa taping ng Binondo Girl.

Minsang nagpi-PGT ito, tumutuloy pa ito sa recording at kapag weekend ay pinagbibigyan pa nito ang mga kaibigang mag-guest sa mga pinu-produce na show sa Zirkoh, Quezon City.

Inuumaga ito sa kararaket pero punung-puno pa rin ng energy dahil pala sa Cobra na lagi niyang baon.

Dito lang hiyang ang box-office queen, kaya bagay na bagay nga sana kung siya na rin ang kukuning endorser nito.

PAK: Dati na namin naririnig na open na sa pa-booking ang morenong aktor na ito pero parang ayaw pa rin naming maniwala.

Ang isang balitang narinig namin ay tinanggap niya ang P150,000 para may pandagdag siya sa gagastusin niya sa bakasyon sa ibang bansa kasama ang kanyang pamilya.

Pero ang latest na narinig namin, pumayag na siya sa P20,000 na give ng isang bading para sa isang quickie.

Hindi nga makapaniwala ang bading na ito nang tinanggap ng kausap ang 20 kiyaw dahil kilala na rin naman ito at puwede pang mag-presyo ng mas mataas pa.

Kahit may naririnig pa rin ka­ming ganung kuwento tungkol sa morenong aktor na ito, mahirap pa ring paniwalaan dahil may kaya naman ang pamilya niya bago ito pumasok sa showbiz. 

Kapag may narinig pa kaming ganitong kuwento uli tungkol sa kanya, itatanong na namin ito sa manager niya.

BOOM: Tikom ang bibig ni Andi Eigenmann nang dumalo sa Preview Best Dressed Ball nung nakaraang linggo.

Kahit anong kulit ng media na gustong mag-interview sa kanya, nakangiti lang ito, walang pinagbigyang interviewer.

Sa The Buzz naman nagsalita na si Mark Gil at matindi ang mga sinabi nito laban sa tinutukoy niyang nakabuntis sa kanyang anak na obvious namang si Albie Casino ang tinutukoy.

Doon na rin sinabi ni Mark na baby girl ang ipinagbubuntis ni Andi at sinabi ito sa kanya nung Father’s Day.

Naging trending sa Twitter at sa ilang social networking sites ang interbyung ’yun ni Mark kaya hinihintay na lang kung sasagutin ba ito ng mga magulang ni Albie dahil pati sila ay nadamay sa mga pahayag ni Mark.