Phil hindi na Younghasbeen

SEEN : Ang kampanya ng City of Manila na ipasara ang tindahan ng mga pirated DVD sa Quiapo. Sinunod ng mga vendor ang utos ni Manila City Mayor Alfredo Lim pero lumipat sila sa ibang lugar.

SCENE : Ngayong gabi ang red carpet premiere ng Temptation Island sa Cinema 9 ng SM Megamall. Ipalalabas ngayong umaga sa GMA 7 ang The Making of Temptation Island, bago magsimula ang Party Pilipinas.

SEEN : Proud parents sina Congresswoman Lani Mercado at Senator Bong Revilla, Jr. dahil nag-graduate kahapon sa college ang kanilang panganay na si Bryan Revilla.

SCENE : Ang mga TV ad at product endorsement ni Phil Younghusband. Nagkamali ang ex-manager ni Phil sa pagtawag sa kanya ng Phil Younghasbeen.

SEEN : Hindi naniniwala ang fans ni Maricel Soriano na nanakit siya ng mga kasambahay. Nakikiusap ang fans ni Maricel na huwag agad husgahan ang kanilang idolo.

SCENE : Tumulong na rin si Jerika Ejercito sa pagtatanggol sa kanyang kapatid na si Jake na hindi ito ang ama ng ipinagbubuntis ni Andi Eigenmann. Si Jerika ang panganay na anak nina Laarni Enriquez at ex-President Joseph Estrada na nag-aaral din sa London.

SEEN : Si Rocco Nacino ang cover boy ng July edition ng Men’s Health magazine. Hindi pa nabubura ang user-friendy at trying hard label kay Rocco.