Kapamilya stars Pag-ibig members na

CEBU, Philippines - Dungan sa pagsaulog sa Star Magic sa ika-19 na ka tuig niini sa industriya niadtong Domingo, 90 ka talents niini ang nagpasakop sa Home Development Mutual Fund kon Pag-ibig.

Pelikula ni Erap sa TV5

Ipasalida sa TV5 sa dili madugay ang 34 ka mga pelikula nga nagama ni kanhi award-winning actor ug presidente Joseph Estrada. Lakip na niini ang Asiong Salonga, Erap is My Guy, Kumander Alibasbas, Sa Kuko ng Agila, Geron Busabos, Ang Batang Quiapo, ug Batang Iwahig.

Regine nagkabuang!

Nagkabuang og panagang si Regine Angeles sa intriga nga siya maoy nakaingon sa panagbuwag ni Melissa Ricks ug Jake Cuenca. Managhigala matud pa sila ni Jake pero walay bisan usa ka higayon nga nag-date sila.

Anne walay tugpahay

Nahibalik na kagahapon si Anne Curtis gikan sa iyang duha ka semana nga bakasyon sa London. Pero igo ra siyang nag-shower ug mideretso na og trabaho pinaagi sa photo shoot ug padayon nga recording sa iyang debut album.

Album ni Barbie inspirational

Hingpit na nga mibalik si Barbie Almabis pinaagi sa iyang labing bag-ong album, “Goodbye My Shadow.” Tsika niya ang album nagtuki sa iyang hingpit na nga pagbalik sa sabakan sa Ginoo ug sa dakong gugma niini ngadto niya.

Nadine biktima sa favoritism?

Ang pango sa GMA Artist Center nga si Ida Henares ang gibirahan sa mga Kapuso fans sa paglayat ni Nadine Samonte sa TV5. Rason sa mga fans, kanunay na lang ang pag-umangkon ni Henares nga si Rhian Ramos maoy dunay nindot nga project, samtang si Nadine “panakip-butas” lang kun dunay dili mudayon nga artista.

Rhian co-host ni Pacman

Human sa Spooky Nights episodes ni Rhian Ramos, isunod niya ang pag-co-host sa “Manny Many Prizes” game show ni Manny Pacquiao sa GMA-7. Kini samtang regular pud siya nga makit-an isip host sa “In The Limelight” sa GMA News TV primetime.

Drama ra tanan ni Marian?

Hangtud karon sumsuman pa gihapon ang tsika nga matud pa ang paghilak ni Marian Rivera sa press con sa “Temptation Island” sa milabay nga semana, drama ra niya aron siya maoy kaloy-on sa publiko sanglit mas nega man matud pa siya og imahi itandi ni Heart Evangelista.

Claudine nag-taping na

Nag-taping na si Claudine Barretto para sa “Spooky Nights Presents Nuno Sa Feng Shiu” kagahapon sa GMA-7. Si Uro dela Cruz maoy direktor ug karong Sabado (July 2) na ang airing niini.

Rachelle gibalibaran ang “Amaya”

Gikatahong na-memohan si Rachelle Ann Go sa GMA-7 management tungod kay gibalibaran niini ang role nga gitanyag ngadto niya para sa ‘Amaya.” Gitumbok nga rason matud pa ni Rachelle ang kalayo sa dapit diin adto ipahigayon ang taping. Si Aubrey Miles maoy gihulip.