Nadine naikot na lahat ng channel

SEEN : Hindi na mapapanood ang Show Me Da Manny dahil papalitan na ito ng game show ni Congressman Manny Pacquiao, ang Manny Many Many Prizes.

SCENE : Nagulat si John Lapus nang malaman nito na kasali siya sa cast ng Hototay, ang 2011 Metro Manila Film Festival entry ng Regal Entertainment, Inc.

Sinabi ni John na hindi pa siya kinakausap ng mga executives ng Regal tungkol sa pelikula.

SEEN : Tumakas uli si Mikael Daez sa presscon ng Temptation Island upang hindi siya matanong sa kanyang alleged sex video.

Sa kaiiwas ni Mikael, kumbinsido ang showbiz press na siya talaga ang hubad na lalaki sa kumalat na mga litrato at video.

SCENE : Patuloy sa paglalabas ng mga hearsay, libelous  at irresponsible blind items tungkol sa showbiz at fashion personalities ang www.fashionpulis.com.  

SEEN : Lumipat na si Nadine Samonte sa TV5. Naikot na ni Nadine ang lahat ng mga TV networks dahil nag-umpisa sa ABS-CBN ang kanyang showbiz career bago siya sumali sa Starstruck at naging contract artist ng GMA 7.

SCENE : Mali ang showbiz balita ni Cha Cha ng dzMM na ginanap ang Pinilakang Tabing noong Huwebes dahil gabi ng Martes nang idaos sa Cultural Center of the Philippines ang 92nd Philippine Cinema anniversary presentation ng MOWELFUND at Film Development Council of the Philippines (FDCP).

SCENE : Apektado ng malakas na ulan noong Huwebes at kahapon ang taping ng mga teleserye dahil indoor scene lamang ang kinunan.