Paghuwat na lang Bianca

CEBU, Philippines - Dili pa madayon karong panahona ang paghimo sa pelikula nga bituonan unta ni Bianca Manalo gumikan kay ipaubos pa og workshop ang beauty queen.

Chiz nihangyo sa publiko

Mihangyo si Sen. Francis “Chiz” Escudero ngadto sa publiko nga dili tagaan og malisya ang pag-guest niya sa bag-ong show ni Kris Aquino sa ABS-CBN nga Kris TV ug iyang gisalikway ang mga intriga nga nag-link sa ilang mga pangalan.

Candy supak sa divorce

Tsika pa ni Candy Pangilinan nga tagaan gyud og bili ang kasagrado sa kaminyoon busa supak siya sa divorce kung diin usa kini sa init nga isyu karon sa nasud.

Nahilom

Mihunong na og panungog ang mga host sa Happy Yipee Yehey ngadto nila ni Bianca Manalo ug John Prats ug giingong gituyo kini aron matuldukan na ang isyu tali nilang duha.

Ejay nangandam sa intriga

Giandam na ni Ejay Falcon ang iyang kaugalingon sa posibleng intriga nga iyang masugatan ilabi na nga misikat na ang tandem nila ni Empress sa seryeng Guns and Roses.Matud pa nga dunay posibilidad nga i-link silang duha. (Sanden J. Anadia)

Kapatid stars magtuyok-tuyok sa Cebu karong adlawa

Magpadayon ang pagsikad karong adlawa sa ‘Sugod mga Kapatid’ Cebu caravan kung diin magtuyok-tuyok ang mga Kapatid stars sa nagkadaiyang dapit sa siyudad pinaagi sa usa ka motorkada nga sugdan sa ala 1:00 hangtud sa alas 2:30 sa hapon.

Mosalmot sa motorkada ang co-host ni Willie Revillame sa Wil Time Bigtime nga si Shalani Soledad ug ang sexy kaayo nga Bigtime Girls .

Ipahigayon usab karong ala una sa hapon sa SM City Cebu parking lot ang audition sa Talentadong Pinoy kung diin mosaksi ang talent scouts nga sila si Regine Tolentino ug Pretty Trizhia. Naa usab ang kasamtangang Ultimate Talentado nga si Joseph the Artist.

Inig-abot sa 4:30 sa hapon, molingaw usab sa mga Sugbuanon ang mga bitoun sa youth-oriented show nga Bagets nga gilangkoban nila ni Eula Caballero, Meg Imperial, Nadine Ilustre, Shai Sigrist, Rico dela Paz, AJ Muhlach, Josh Padilla, Johan Laurens ug Aki Torio. (BANAT NEWS)