Venus tinalbugan na si Phoemela

Seen : Sina KC Concepcion at Sam Milby sa Ninoy Aquino International Airport. Lumipad sina KC at Sam sa New York para sa premiere showing ng Forever and a Day. Average ang gross ng pelikula nina Sam at KC sa local theaters.

Scene : Hanggang July 24 ang pagtatanghal sa Pilipinas ng Varekai ng Cirque Du Soleil. Mabilis mabenta ang tickets ng Varekai.

Seen : Nakakatamad basahin ang paliguy-ligoy na paliwanag ng writer ng Amaya sa akusasyon na hindi culturally at historically accurate ang mga eksena sa show ni Marian Rivera. Nabigo ang writer na maipaliwanag nang malinaw ang kanyang panig.

Scene : Mas magaling nang showbiz segment host si Venus Raj kesa kay Phoemela Baranda.

Seen : Ang matapang na mga text message ni Annabelle Rama sa GMA 7 executive na si Wilma Galvante. Hindi pa tapos ang laban.

Scene : Sina ex-President Joseph Estrada, Senators Jinggoy Estrada at Bong Revilla, Cesar Montano at Phillip Salvador sa gala presentation ng Pinilakang Tabing sa Cultural Center of the Philippines noong Miyerkules ng gabi. Ang Pinilakang Tabing ang 92nd Philippine Cinema anniversary presentation ng Mowelfund at Film Development Council of the Philippines.

Seen : ‘Magkapatid’ na si Amy Perez at ang kanyang live in partner na si Carlo Castillo. News reporter na ng TV5 si Carlo.

Scene : Mala-Betty Boop si Rufa Mae Quinto sa outfit niya kahapon sa presscon ng Temptation Island.