AJ ug Aiki gitangtang sa PP

CEBU, Philippines - Nakadesisyon na ang GMA-7 nga wagtangon ang duha ka mga sakop XLR8 sa Party Pilipinas nga sila si AJ Muhlach ug Aiki Torio aron maka-focus ang duha sa programang Bagets sa TV 5. Gipasaligan hinuon sila sa Viva Artist Agency nga malakip gihapon sila sa out-of-town shows sa XLR8.

Inspirasyon ni Gab

Giangkon ni Gab Valenciano nga exclusively dating na sila sa aktres nga si Isabel Oli. Saludo si Gab sa kaguwapa ni Isabel ug pabilin sila karon nga nag-ilhanay sa usag-usa.

Pinoy nisidlak na pud sa US

Nasulod sa Top 20 sa programang “So You Think You Can Dance” Season 8 ang duha ka mga Pinoy nga sila si Tadd Gadduang ug ug Marko Germar. Matud pa nga sa unang adlaw sa maong season, napuno sa pagdayeg gikan sa mga viewers ang ilang performance .

Jake ug Kim giintriga

Gihimakak ni Jake Cuenca ang report nga matud pa iyang gipanguyaban si Kim Chiu. Gitataw sa actor nga suod lang gyud sila nga higala ni Kim gumikan kay nagkauban sila kaniadto sa seryeng Tayong Dalawa.

Janna mi-deny sa isyu

Todo himakak si Janna Dominguez sa mitumaw nga taho nga si Mickey Ablan maoy bag-o niya nga boyfriend. Suma pa niya nga higala sila sa kanhi uyab ni Mickey nga si Iwa Moto busa imposible ang maong report.

Baron nagpasalamat kang Cherry Pie

Nagpasalamat ang kontrobersyal nga aktor nga si Baron Geisler ngadto kang Cherry Pie Picache gumikan kay gipasaylo na siya niini. Kahinumduman nga nangayo og pasaylo kaniadto si Baron ngadto kang Cherry Pie human sa akusasyon sa aktres nga matud pa gihikap ni Baron ang iyang dughan atol sa taping sa seryeng Noah sa ABS-CBN.

Angeline ganahan ni Coco

Gihimakak ni Angeline Quinto ang report nga matud pa nag-date sila ni Sam Milby.Apan mihirit pa gyud si Angeline nga ganahan siya makauban niya sa trabaho ang guwapong aktor nga si Coco Martin. Samtang excited na ang dalaga sa iyang first major concert karong July 15 sa Skydome SM North Edsa.

Erap movies sa TV 5

Mipirma na si kanhi Presidente Joseph “Erap” Estrada og kontrata sa TV 5 aron eksklusibo nga makita sa maong istasyon ang mga nangagi niya nga pelikula. Nasayran nga nagbaha ang mga pelikula ni Erap kaniadto sulod sa 33 ka tuig na niya sa showbiz.

Mark uyon kang Luis

Suma pa ni Mark Herras nga iyang suportahan kung asa magmalipayon ang iyang kanhi uyab nga si Jennylyn Mercado busa wala’y problema kaniya kung maabot ang panahon nga mauyab ni Jen ang TV host nga si Luis Manzano.

Duncan magpabilin sa Genesis

Gihimakak ni Duncan Ramos ang balita nga mobiya na siya sa tugkaran sa Genesis nga gidumala ni Angeli Pangilinan. Nagkita sila si Duncan ug Angeli niadtong Lunes sa gabii aron klarohon ang maong isyu. Ang Genesis magsaulog sa ilang ika-25 ka tuig nga anibersaryo karong tuiga.

Best in Tagalog

Tsika pa ni Fabio Ide nga maayo na siya molitok og pinulongang Tagalog gumikan kay iya gyud kini nga giiskwelahan kaduha sa usa ka semana. Nahinabi sa Banat News Hugyaw si Fabio niadtong Domingo didto sa SM City Cebu kung diin mainiton siya nga gihangop sa iyang mga fans. (BANAT NEWS)