Maja duna na'y uyab?

CEBU, Philippines -  Gidungog karon nga usa ka non-showbiz guy ang uyab karon ni Maja Salvador ug kanunay nga masigpatan ang aktres nga nag-shopping uban sa maong lalaki. Gumikan sa maong taho, nagtakilid karon ang tsansa ni Matteo Guidicelli kinsa nanguyab karon sa aktres. Dugang pa nga anak sa usa ka negosyante ang giingong uyab karon ni Maja.

Jessy ug Empress giintriga

Gi-deny ni Jessy Mendiola ang report nga matud pa na-insecure siya kang Empress ilabi na nga kanunay sila nga ikumpara sa mga viewers sa higayon nga manayaw sila sa ASAP Rocks. Matud pa ni Jessy nga suod sila nga higala ni Empress ug wala masulod sa iyang huna-huna ang kompetisyon tali nilang duha

Ruffa nagsaulog sa birthday sa Tondo

Gipahigayon sa Tondo, Manila ang advance birthday party ni Ruffa Gutierrez sa miaging adlaw. Nakig-uban ang aktres sa mga kabus ug gipaluyohan siya niini sa World Vision Philippines. Magsaulog si Ruffa sa iyang adlaw nga natawhan karong June 24.

Bus target sa OMB

Mihangyo ang tsirman sa Optical Media Board nga si Ronnie Rickets ngadto kang DILG Secretary Jesse M. Robredo alang sa kooperasyon sa pagpalapad sa ilang kampanya batok sa pirata ug usa na niini ang pagsita sa mga bus nga nagpasalida gamit ang pirated cd.

Vicky segurado na kang Hayden

Gipadayag ni Dra. Vicki Belo nga nagkalig-on og maayo ang relasyon nila ni Hayden Kho apan iyang giklaro nga dugay pa sila magpakasal niini gumikan kay busy pa sila karong panahona. Suma pa ni Vicki nga but-an na kaayo karon si Hayden ug nakita gyud niya ang dakong kausaban bisan pa man sa mga negatibong isyu nga giatubang niini kaniadto.

Priscilla nagsabak?

Daghan ang naukay sa anunsiyo ni John Estrada sa Happy Yipee Yehey sa miaging adlaw nga matud pa posibleng nagsabak karon ang iyang misis nga si Priscilla Meirelles gumikan kay nakakita na siya og senyales sama sa dali niini nga malipong.Gikatakdang magpa-check up karong adlawa si Priscilla sa doktor aron makumpirmar kung nagsabak ba siya o wala.

Contractors ang show

Sila si Bobby Andrews ug Dino Guevarra maoy mga sinaligan ni Laguna Governor ER Ejercito sa pagpalambo sa landscaping sa Kapitolyo sa maong lugar.

Mama Mia

Kasamtangang gihikay karon sa Cultural Center of the Philippines ang bongga nga musical play nga Mama Mia! Ug ila kining idalit sunod tuig.

Temptation moarangkada na

Kagahapon ang katapusang adlaw sa shooting sa pelikulang Temptation Island busa excited na ang usa mga bida niini nga si Marian Rivera gumikan kay sa Juy 6 na ang play date niini.

Mikee mobalik sa Palayok

Gilugwayan og laing duha ka semana ang Magic Palayok ug usa sa giatngan nga eksena mao ang pagbalik sa karakter ni Mikee Cojuangco. (Sanden J. Anadia)

Nadine mipirma na og kontrata sa TV 5

Pormal na nga mipirma sa miaging adlaw og three-year exclusive contract sa TV 5 ang kanhi kapuso star nga si Nadine Samonte.

Suma pa nga himoon gyud og big star si Nadine sa TV 5 ug giingong nagtangag pud kini og dakong talent fee.

Gikatahong ipaubos usab ang aktres sa hugyaw nga make over busa tagaan siya sa network og kaugalingong stylist. Ipasulod usab siya sa Elite Modeling Agency aron duna’y dakong kausaban sa iyang panagway.

Si Nadine maoy bida sa umaabot nga primetime series sa TV 5 nga “The Sisters” ug gipasalig sa maong network nga mosidlak pag-ayo ang career sa aktres. (BANAT NEWS)