'Pacman Resort' sa Bora ipinasara

SEEN: Ipinasara ng local government ng Aklan ang West Cove Resort sa Boracay Island na kilala bilang Pacman Resort dahil lumabag ito sa National Building Code of the Philippines.

Si Cris Aquino ang may-ari ng West Cove Resort. Matalik na kaibigan ni Congressman Manny Pacquiao si Cris.

SCENE: Isang katotohanan na walang blood relation si Jennylyn Mercado sa kanyang adoptive mother na si Lydia Mercado. May deklarasyon si Mommy Lydia na ipaglalaban niya ng patayan si Jennylyn habang nabubuhay siya.

SEEN: Ang guesting kahapon ni Maricel Soriano sa Party Pilipinas na nagbura sa mga malisyosong tsismis tungkol sa kanya.

SCENE: Maganda ang opening number kahapon ng ASAP Rocks. May kinalaman sa Philippine Independence Day celebration kahapon ang pinag-isipan na opening number.

SEEN: Pangarap ni Pilita Corrales na magkaroon na ng bagong asawa ang anak na si Ramon Christopher.

Matagal nang hiwalay si Ramon Christopher kay Lotlot de Leon.

SCENE: Excited na si Vic Sotto sa pagtatambal nila ni AiAi delas Alas sa pelikula na kasali sa 2011 Metro Manila Film Festival.

SEEN: Si Arci Muñoz sa Eastwood Mall noong Sabado ng gabi. Hindi pa masyadong kilala ng mga tao si Arci dahil sa kanilang mga tanong kung sino siya.

SCENE: Ngayong hapon ang pilot telecast ng Sinner or Saint ng GMA 7. Bida sina Dennis Trillo, Alessandra de Rossi, Bianca King, at Polo Ravales dito.