Jackie maiipit sa dalawang nag-aagawang lalaki

MANILA, Philippines - Ang pinakamainiit na afternoon series ng Kapuso Network — Sisid — ay patuloy na tumataas sa rating simula nang mag-premiere noong May 30.

Ngayong linggo, mas lumalalim ang istorya ni Eden (Jackie Rice) dahil sa pagbabawal sa kanyang makipag-ibigan kay Sig (Dominic Roco). Dito naman nagalit si Ahmed (JC Tiuseco) sa pag-aakalang titigil na si Sig kay Eden. Binabalakan niya ang binata ng hindi maganda.

May isa pang kontra, ang nanay ni Sig na si Alona (Alicia Meyer), na gusto nang bawiin ang anak.

Nagdesisyon na lang si Hamil (Daniel Fernando), ang tatay ni Eden, na ipakasal ang anak kay Ahmed sa lalong madaling panahon.

Ito ang magpapagulo sa isip ni Eden, papayag na ba siya kay Ahmed para sa kagustuhan ng magulang at ni Alona o tatakas sila ni Sig na siyang mahal niya?

Marami pang mangyayari sa buhay ng pearl diver sa Sisid na mapapanood pagkatapos ng Nita Negrita.