Pacman endorser na sa buong mundo ng Nike

MANILA, Philippines -   Sumulpot na naman ang Pambansang Kamao sa kanyang programang Show Me Da Manny para makipagharutan noong Martes ng gabi. Mula sa sesyon sa Batasang Pambansa, dumiretso ito sa GMA 7 Studio 6. Kaya nakasama na naman niya ang buong cast ng Show Me Da Manny na tuwang-tuwa sa pangunguna ni Marian Rivera, Gladys Guevarra, Paolo Contis, Kevin Santos, Rochelle Pangi­linan, Benjie Paras, at marami pang iba.

After ng taping ay nagkakayayaan ang mga male cast. Pinasunod silang lahat ni Manny sa Pan Pacific Hotel kung saan siya may appointment. Magdiriwang kasi si Kevin Santos ng kanyang kaarawan ngayong June kaya nagyaya si Manny na doon na lang sila mag-celebrate.

Ganyan kabait at kaalaga si Manny sa mga kasamahan niya sa Show Me Da Manny na napapanood tuwing linggo.

Speaking of Manny Pacquiao, nakatakda na naman itong bumiyahe patungong Amerika sa imbitasyon ng Nike kung saan isa siya sa endorser sa buong mundo na yata dahil katatapos lang niyang mag-shoot ng komersiyal nito sa Amerika kasama ang mga bigating atleta roon gaya nina Tiger Wood, Lebron James, at iba pang NBA stars.

Nakita na rin namin ang HP commercial niya na ipinapalabas sa Amerika at nakakaaliw ito.

Balita rin na may offer na naman ito na labanan ang pinakamagaling na boksingero ng Mexico na wala pa raw talo with a guaranteed amount of $65 million dollars.

Nakakalula ito kung iko-convert mo sa peso. Pero sa isang taon na siguro mangyayari iyan dahil may kalaban na siya sa Nobyembre ng taong kasalukuyan. Kaloka ‘di ba?

Basta ang abangan natin ay bagong programa niya sa GMA 7 na isang reality show.

Aktres problemado sa mga daTing

kagrupong walang trabaho

Depress at pinoproblema ng isang aktres ang nangyayari sa kanyang mga kasamahan noon na ngayon ay walang trabaho. Nang lumipat daw ang grupong ito sa kalabang network na pinanggalingan nila ay pinangakuan daw ng namumuno ng grupo na may mga programa sila kasama na ang lider nila na maglilingkod sa istasyon na iyon. Kinalaunan ay unti-unti nang nawawalan ng show ang ka-miyembrong aktres hanggang nawala nang tuluyan. Kaya­malungkot ang pinuno ng grupo at dinaramdam ang mga pangyayari.

Kaya naghahanap ang aktres ng malalapitan para muling sumigla at magkaroon ng trabaho ang mga kasamahan niya noon.