Jolina hanggang langit ang nararamdamang ligaya

Walang pagsidlan ng kaligayahan si Jolina Magdangal nang finally ay alukin siya ng kasal ng kanyang nobyong si Mark Escueta. 

Bukod sa kanilang respective families, masaya rin ang mga kaibigan nina Jolina at Mark sa kanilang napipintong pag-iisang dibdib.

Samantala, very proud si Jolina na suut-suot ang engagement ring na regalo sa kanya ni Mark.

Natupad na pangarap

Kung tutuusin, napakaganda na ng kanyang buhay sa Amerika pero tinalikuran ito ni Joel Mendoza para naman bigyang-daan ang kanyang pagmamahal sa musika. Inuna muna niya ang kanyang obligasyon na makatulong sa kanyang pamilya at nang maging stable na ang takbo ng kanyang mga mahal sa buhay – ang kanyang ina at mga kapatid, unti-unti naman binalingan ni Joel ang kanyang passion sa larangan ng musika. 

Sa tulong ng kilalang composer-arranger at rec­ord producer na si Vehnee Saturno, naisakatupa­ran ni Joel ang kanyang pangarap na magkaroon ng sariling album na karamihan ng nilalaman nito ay siya rin mismo ang nag-compose.

Jed insecure na sa career ni Christian

Nagtataka pareho sina Christian Bautista at colleague niya sa ASAP Rocks na si Jed Madela kung saan nagsimula ang intriga sa kanila na kesyo nai-insecure kay Christian ang mga kasamahan niya sa Universal Records dahil mas binibigyan umano ng importansiya ng kanilang record label. 

Parehong nag-deny sina Christian at Jed na may iringan sa kanilang pagitan.

Samantala, apat na buwang mawawala sa Pilipinas at sa ASAP Rocks si Christian dahil sa taping ng TV musical na The Kitchen Musical sa Singapore na gagawin nila ni Karylle. As what everybody knows, hindi lamang sa Pilipinas at sa Indonesia sikat si Christian kundi maging sa ibang Asian countries at kabilang na rito ang Singapore.

Bukod sa TV show na gagawin ni Christian at Karylle sa Singapore, may tinapos din siyang pelikula sa Indonesia, ang A Special Symphony, na nakatakdang ipalabas sa buwan ng Agosto.

Alam mo, Salve A., a few years ago nang ako’y magtungo ng Indonesia, nakakita ako ng pirated CD ni Christian kasama ang ibang sikat na recording artists ng Indonesia. Ganoon kasikat si Christian sa bansang ’yon  dahil pinipirata ang kanyang mga mga awitin.

Habang mami-miss nina Christian at Karylle ang kanilang mga kasamahan sa ASAP Rocks at ang kanilang mga mahal sa buhay at mga kaibigan sa loob ng apat na buwan, inaasahan naman nila na ang kanilang four-month stint sa Singapore ay magbibigay ng karangalan sa ating bansa at isa itong pambihirang pagkakataon na hindi nila puwedeng palampasin.

Wendell type bumalik sa Kapuso?

Bukas si Wendell Ramos sa posibilidad na muling bumalik sa Kapuso Network dahil wala naman siyang exclusive contract sa Singko. For now, ini-enjoy niya ang magandang break na ipinagkatiwala sa kanya ng TV5. 

Kahit sa Kapamilya Network ay posible rin siyang magtrabaho kung may pagkakataon. Sa pagkakaalam ko, meron siyang gagawing pelikula under Star Cinema, ang film outfit ng ABS-CBN.

Personal...

Belated birthday greetings sa aking kapatid na si Estrella Amoyo-Anabeza nung June 3 at sa aking kaibigan na si Kaname Shikata nung June 6.