Voice coach ni Sarah si David Foster ang nagrekomenda

Nasa Viva Entertainment office kami noong Wednesday at natsika sa aming si David Foster pala ang kumuha ng voice coach para kay Sarah Geronimo na nag-enroll ng voice lesson habang nagbabakasyon sa Amerika.

Sa elevator lang namin nakausap ang nagbalita, hindi na namin naitanong kung sino ang voice coach na inirekomenda ni David Foster. Naisip din namin na ngayong parehong may koneksiyon sina Sarah at Charice kay David Foster, malaki ang posibilidad na matuloy ang plano ni Charice na iprodyus ng Tagalog song si Sarah.

Mas maganda kung magdu-duet sina Sarah at Charice sa  song and even better kung may English version ang song para ma-release rin internationally.

One month sa States si Sarah kaya tiyak na marami itong kuwento pagbalik.

Aktres na nawawala sa eksena tsinugi sa kanyang dalawang malaking commercial

Hindi pa kaya nababahala ang aktres na ito na matagal na siyang wala sa eksena at baka makalimutan na ng fans? Aba’y kampante pa rin siya na susuportahan pa rin siya ng kanyang fans kahit matagal na namang wala sa eksena at puro balita lang ang mga project na gagawin, gaya ng pelikula at TV show ang nasusulat tungkol sa kanya.

Heto nga at nauna na siyang kalimutan ng advertisers dahil dalawang major endorsements niya ang hindi na siya ni-renew at kumuha na ng bagong endorser. Exposure and financially wise, malaki ang naitutulong sa aktres ng kanyang mga endorsement dahil kahit papaano, nakikita siya sa billboards at TVC. Paano ngayong nabawasan siya ng two big endorsements?

Ryan ka-join na nina Juday at Yohan sa isang endorsement

Magsasama-sama ang mag-anak na sina Ryan Agoncillo, Judy Ann Santos at Yohan sa TVC ng Purefoods Hotdog na ilalabas this June, sabay ng opening ng klase. Game na game ang dalawa na gawin ang concept ng TVC na mala-80’s at ginawa silang sina Madonna at Michael J. mula sa costume, buhok at sumayaw pa sila.

First time na nagsama sa endorsement ang tatlo dahil madalas sina Judy Ann at Yohan lang, ngayon ay tatlo na sila. Hindi namin naitanong kung ano ang role ni Yohan sa TVC.

Isa lang ito sa bagong endorsement ni Ryan dahil siya rin ang dagdag na endorser ng Emperador.

Rocco ayaw maamin ang relasyon nila ni Sheena

Na-interview namin si Rocco Nacino sa taping ng Amazing Cooking Kids, kung saan, sila ni Kris Bernal ang food taster sa mga niluto ng mga batang finalists sa cooking show. Hindi pa rin nito maamin ang relasyon nila ni Sheena Halili, pero after the presscon, nakita silang holding hands na naglalakad sa Tomas Morato.

Napansin din ng press ang malagkit na titig ni Rocco sa picture ni Sheena sa Black Book ng GMA Artist Center na tinitingnan ni Kris. 

Anyway, this Saturday episode ng Amazing Cooking Kids  na umeere bago ang Eat…Bulaga, sasalang ang mga bata sa blind tasting game.