Asawa ni Alfred Vargas buntis na!

PIK : Hindi natuloy ang story conference ng bagong serye ng GMA 7 na pagsasamahan nina Claudine Barretto at Jolina Magdangal kasama si Marvin Agustin.

Sa susunod na linggo na ito itutuloy. May title na ito, Iglot.

Isang karakter itong Iglot pero ayaw pa nilang idetalye kung sino at ano ang hitsura nitong si Iglot.

Sandali naming nakatsikahan si Jolina at natutuwa siya dahil sina Claudine at Marvin ang makakasama niya.

Ang dinig namin, nagpapayat pa rin si Claudine bago ito sumabak sa trabaho.

PAK : Totoo kayang pinag-iinitan ngayon ang isang magaling na comedienne dahil naging paborito ito ng isang sikat na male celebrity?          

Ang dami kasing pumapapel kay sikat na male celebrity dahil naaambunan sila ng mga biyayang pinamimigay nito.

Nakatrabaho ni sikat male celeb itong si comedienne at natutuwa siya dahil magaling naman talaga itong magpatawa.

Madalas niya itong isinasama at siyempre bongga ang mga ibinibigay sa paborito.

Pero hindi na ito nagustuhan ng ibang malapit kay male celeb dahil nababawasan tuloy ang mga grasyang ibinibigay sa kanila.

Tuloy si magaling na comedienne ang napagdiskitahan at minsan hindi na siya isinasama sa grupo o ibang raket para hindi ito lalong mapalapit kay sikat na male celeb.

BOOM : May exclusive interview si Alfred Vargas kay Kuya Ricky Lo para sa Startalk.

Matagal nang gustong magsalita ni Alfred kaugnay sa malaking pagbabago sa kanyang buhay. Pero ayaw niyang sumabay pa ito sa pagsisimula niya sa Mutya at abala rin siya sa kanyang trabaho sa Quezon City Hall.

Matagal nang kasal si Alfred sa kanyang non-showbiz girlfriend na si Yasmine Espiritu at inaayos na nila ngayon ang kanilang church wedding na gagawin sa susunod na taon.

Pero sa ngayon ay gusto muna niyang ituon ang atensiyon sa bunga ng pagmamahalan nila ni Yasmine.

Abangan sa Startalk ang kabuuan ng interview ni Alfred kay Kuya Ricky na mapapanood bukas.