Sam buot makighawok ni John

CEBU, Philippines - Si John Prats ang buot ika-kissing scene ni Sam Milby sa higayon nga hingpit na siyang muhimo og pelikula nga susama sa “Brokeback Mountain.’ Kini tungod kay usa si John sa iyang mga suod nga higala sa showbiz. Pero aron mudawat siya og gay role, kinahanglan nga nindot gyud matud pa ang script.

Pareha rang istoryaha

Gihimakak ni Diether Ocampo nga pilian siya og roles, hinungdan nga taod-taod nga nasugdan ang iyang last project, ang ‘Sabel.” Matud ni Diet wala siyay katungod nga mamili og roles, duna lang matud pay mga roles nga nahimo na niya busa iyang gibalibaran kay buot niya musuway og bag-o na pud nga challenge. Apil siya sa “Guns and Roses” starring Bea Alonzo ug Robin Padilla sugod karong Lunes sa ABS-CBN primetime.

Igo na lang sa paghandum

“Best girlfriend I ever had” ang paghulagway ni Jake Cuenca sa iyang kanhi uyab nga si Melissa Ricks. Pero sama ni Melissa nagdumili si Jake pagbutyag sa rason nganong nagbuwag sila duha ka buwan na ang milabay. Basta iyang giklaro nga walay third party sa maong break-up.(Ryan Mark)

Martin hanas na sa pag-arte

Tsika pa ni Martin Escudero nga nabaid pag-ayo ang iyang pag-arte gumikan sa seryeng Babaeng Hampaslupa sa TV 5. Dugang pa sa aktor nga dili lalim ang pagsulod niya sa maong serye gumikan kay mga banggiitang artista ang iyang mga kauban apan mipatigbabaw gihapon ang iyang pagsalig sa kaugalingon.

Angeline mi-deny sa isyu

Gitin-aw ni Angeline Quinto ang taho nga matud pa nga nahiubos siya sa programang ASAP Rocks gumikan kay minos lang ang iyang mga production number. Suma pa niya nga nakontento ra siya sa dagan sa iyang showbiz karon busa dili angay tuohan ang maong intriga.

Mark uyon kang Luis

Uyon matud pa si Mark Herras nga magkadayon ang iyang ex-girlfriend nga si Jennylyn Mercado ug Luis Manzano. Suma pa niya nga suportado niya ang kalipay ni Jen gumikan kay nagpabilin gihapon ang ilang friendship hangtud karon.

Friends ra uy!

Nagpungasi si Patrick Garcia sa pagdepensa sa iyang kaugalingon kalabot sa report nga duna siya’y plano nga makigbalik kang Jennylyn Mercado. Matud pa niya nga dili siya hilig mosakay sa eksena ug iyang giklaro nga close lang sila karon ni Jen gumikan sa ilang anak nga si Baby Jazz.

Valerie “Patyonon”

Patyon na ang character ni Valerie Concepcion sa drama series nga ‘Nagbabagang Bulaklak” sa TV5. Buot sa ABS-CBN nga sa 100 Days To Heaven lang siya makita aron dili maglibog ang mga tawo, ug tungod kay wala pud itugot nga kaduha makita ang usa ka artista sa primetime pinaagi sa lain laing TV networks. (BANAT NEWS)