Nataon sa movie nina KC at Sam: Piolo at KC, hiwalay na!

Seen : Ang sabi ni Christian Bautista na mga underwear lang ang dadalhin niya sa Singapore para sa apat na buwang taping ng TV series na The Kitchen Musical.

Scene : Kulang sa comic timing ang mga artista ng Iskul Bukol ng TV5. Hindi nakakatawa ang kanilang mga punchline.

Seen : Extended ng isang buwan ang Babaeng Hampaslupa dahil sa positive feedback mula sa viewers.

Scene : Hindi ikinagulat ng fans ang tsismis na hiwalay na sina Piolo Pascual at KC Concepcion dahil hindi sila naniniwala na hahantong sa simbahan ang relasyon ng dalawa. May pelikula si KC na ipalalabas na si Sam Milby ang leading man.

Seen : Bukas ang huling gabi ng Tweetbiz. Wala nang TV show si Tim Yap na nangangarap na maging co-host siya ng Startalk o Showbiz Central.

Scene : Sa June 26 ang launch ng bagong station ID ng ABS-CBN sa ASAP Rocks.

Seen : Si Ed Westwick ng Gossip Girl ang bagong image model ng Penshoppe at dumating siya sa Pilipinas upang mag-pictorial. Inaalam ng fans ang hotel na tinutuluyan ni Ed dahil gusto nilang i-stalk ang Gossip Girl actor.

Scene : Ang shoot ng music video nina Kris Aquino at Christian Bautista noong Martes. Isang chef ang karakter ni Christian sa music video ng record album ni Kris sa Universal Records.