Black Book ng Kapuso hindi puro mukha at katawan!

MANILA, Philippines - Sa loob ng sampung taon, buong-ningning na nakapagpakilala ng mga magagaling na talento ang GMA Artist Center (GMAAC).

Sinisigurado ni Ida Ramos Henares, head ng GMAAC, na mataas ang tingin sa mga Kapuso stars. Hindi lang sila puro mukha o katawan kundi disente at may talento talaga.

Kaya naman sa nakaraang tagumpay na launching ng The Black Book sa Republiq, Resorts World ay humilera sa engrandeng fashion show ang kanilang mga alaga. Isa sa mga highlights ang musical number ng La Diva.

Lahat ng gustong malaman sa GMAAC at sa mga pangunahing Kapuso stars ay nasa The Black Book na isang kopya ng libro ng mga photos and profiles.

Kasama sina Aljur Abrenica, Iza Calzado, Lovi Poe, Nadine Samonte, Jackie Rice, Kris Bernal, Rhian Ramos, Bianca King, Barbie Forteza, Louise delos Reyes, Joshua Dionisio, Kylie Padilla, Solenn Heussaff, Bela Padilla, Alden Richards, Geoff Taylor, Dominic Roco, Mike Tan, Enzo Pineda, Marvin Agustin, at marami pang iba na mababasa sa The Black Book.