MYX Sa Boracay nakipagrakrakan
MANILA, Philippines - Hindi napigil maging nang napakalakas na ulan ang party people sa Boracay na dumalo sa pinakamalaking beach and booze rock concert ng taon, ang Summer MYX Fest 2011. Ito ang coolest Pinoy Rock MYX beach concert ng MYX, ang No. 1 music channel ng bansa, ngayong taon na ginanap kamakailan sa Club Paraw at Ariel’s Place, Station 1, Boracay Island.
“I’m really happy with the outpouring of support we received from the people in Boracay. They really rock,” ani MYX Channel Head Andre Allan Alvarez.
Tampok ang pinakasikat na rock bands tulad ng Sandwich, Gloc 9, Parokya ni Edgar, Wolfgang, Chicosci, at Kamikazee, handog ng Summer MYX Fest ang best of the best sa OPM rock.
Present sa hindi malilimutang beachside event ang MYX VJs na sina Luis Manzano, Nikki Gil, Iya Villania, Bianca Roque, Chino Pio, Janine Ramirez, at Robin Nievera bilang hosts.
Nagkaroon din ng games sa pagitan ng band performances at tumanggap ang mga dumalo ng exciting perks at prizes. Kinumpleto ng iba’t ibang booths ang kasiyahang hatid ng hot rockin’ event na ito.
- Latest
