Mga sugbuanon nanghawod sa Gawad Urian

CEBU, Philippines -  Win na Win ang pambato ug garbo sa Sugbo sa 34th Gawad Urian niadtong Martes sa gabii didto sa Manila. Kini walay lain kundili ang pelikula nga “Ang Damgo ni Eleuteria” diin unang napili isip Jury Prize winner sa Cinema One Originals sa milabay nga tuig. Niining bag-o lang, namantala dinhi sa Banat News Hugyaw ang pagdaog sa maong pelikula sa Special Jury Prize Award sa International Competition Section sa Jeonju International Film Festival sa South Korea.

Pwes, sa Gawad Urian niadtong Martes, upat ka major awards ang nakuha sa maong pelikula: Best Picture, Best Cinematography, Best Music ug Best Director.

Gumikan niini, walay kabutangan sa kalipay ang bisdak nga si direk Remton nga nagkanayon sa iyang acceptance speech: "I still can't believe na totoo lahat ng ito.

“Ang dami naming pinagdaanan. Talagang sobrang hirap na talagang dun ko na-realize na hindi madaling maging direktor ng isang pelikula. “Pero wala, no regrets at all.”

Ang Gawad Urian, maoy giila karon nga labing prestihiyoso ug labing kasaligan nga award-giving body sa Pilipinas.

Tattoo

Kagahapon inyong naaninaw ang colorful nga tattoo nila sa mga international celebrities nga sila si Rihanna, Amy Winehouse, Victoria Bekham, Sylvester Stallone, ug Katy Perry. Karon kinsa pa bay labing haom nga mutapos niining two-part H&H Tattoo feature nato kundili ang labing sikat sa Twitter nga si Lady Gaga? Of course iapil pud nato ang nagsunod niya nga si Justin Bieber nga may kapin 9M ka Twitter followers. Ang Hugyaw kay tungod sa kadaghan niya og tattoo, wala na siya makaihap pila gyud tanan. Pero ang sigurado mao nga ang tanan niyang tattoo naa ra gyud mapatik sa wala nga bahin sa iyang lawas tungod kay mao ni iyang gisaad ngadto sa iyang amahan. Duna siyay tattoos nga pahinungod sa usa ka Japanese artist, duna puy para sa iyang mga fans, ug duna puy panawagan alang sa kalinaw sa tibuok kalibutan.

“In the Name” P48 M na!

Mikita matud pa og P48 Million ang pelikulang “In The Name of Love” nila ni Angel Locsin ug Aga Muhlach. Suma pa sa third party tabulator Box Office Mojo, ang maong gross nahipos sulod sa lima ka adlaw, gikan sa 90 ka mga sinehan nga nagpasalida lukop nasud.

Aljur nag-ampo makauban si Ai Ai

Bisan sa mga intriga nga naglambigit nilang duha, gibutyag ni Aljur Abrenica sa presscon sa labing bag-o niyang product endorsement nga nag-ampo siya nga magkauban sila ni Comedy Queen Ai Ai delas Alas sa usa ka pelikula.

Ayaw sa mo’g gara

Naglitaniya kagahapon si Ruffa Gutierrez sa Twitter nga dili pa angay maglipay ang mga haters sa iyang manghud nga si Richard, tungod kay dili kini maoy gisita sa MMDA kagahapon for speeding violations. Ang driver matud pa nila maoy gisita ug si Richard sakay lang sa maong sakyanan paingon sa taping.

Nagpasaway si Osang

Nag-eksena si Rossana Roces sa 34th Gawad Urian diin midaog siya isip Best Supporting Actress alang sa pelikula nga “Presa” niadtong Martes sa gabii. Siya maoy labing taas og acceptance speech, diin matud pa nga bisan og gipatukaran na siya sa theme song sa Urian aron muhunong na og yawit, wala gyud kini nanumbaling. (BANAT NEWS)