10M ang followers
CEBU, Philippines - Lady Gaga rayna sa Twitterverse
Si Lady Gaga maoy labing sikat nga celebrity sa Twitter.
Mikabat na og 10 million ang iyang followers niadtong Lunes, May 16. Siya ang labing unang celebrity nga nakaangkon og ingon niini nga gidaghanon nga followers.
Nasayran nga March 26, 2008 nahimong member sa Twitter si Lady Gaga, diin sukad niadto hangtud karon 739 times lang ka tweets ang iyang namugna. Pildi siya ni Justin Bieber kung padaghanay og tweets ang hisgutan sanglit, ang nahisgutan nga Canadian singer nagpamiyembro sa Twitter niadtong March 2009 apan naka tweet na siya og 9,081.
Apan niadtong May 16, mitala na og 10,057,874 followers si Lady Gaga.
Si Justin maoy nagsunod niya nga may 9,607,412 followers ug ikatulo si US President Barack Obama nga may dili mo menos 8 million.
Suma pa sa Twitter Counter, kada adlaw dunay 24,946 nga bag-ong followers si Lady Gaga.
Kasagaran nga mabasa sa iyang mga tweets ang pulong “monsters.”
Nagkanayon si Gaga sa milabay nga adlaw ngadto sa iyang mga fans: 10MillionMonsters! I’m speechless, we did it! Its an illness how I love you. Leaving London smiling.” (BANAT NEWS)
- Latest
