Iwa bayolente, walang pakialam hinataw ang kotse ng ex

Wala naman akong masabi kay Iwa Moto na kapag nagalit pala eh kesehodang may kamerang nakatutok at kumukuha sa kanya, talagang nagwawala ito at walang pakialam kung masira man ang kanyang imahe bilang isang artista.

Nakita sa TV kung paano niya pinaghahataw ang kotse ng kanyang ex nang bigla nitong hablutin ang cell phone ni Iwa at itinakbo. Humabol sa kanya si Iwa at nang hindi niya ito abutan ay pinagbalingan ang kotse nito at hinataw hanggang nabasag ang salamin nito sa likod.

December pa last year nag-break si Iwa at ang ex niya, kung nakikita man silang magkasama ay dahil na lamang sa anak ng ex ni Iwa na itinuturing siyang second  mother. Pero wala na silang relasyon.

Maski nga sa Boracay kung saan inimbita siyang sumama ng bata ay umiba ng tirahan si Iwa sa mag-ama. Balak ng aktres na ipo-blotter sa pulisya ang nangyari para mapigilan na ang ex niya na lumapit pa sa kanya.

Singsing ni Pia kinaiinggitan

Marami ang naiinggit sa napaka-gandang sing­sing na suut-suot ni Pia Guanio sa kanyang kamay at ipinakita niya on national television nung Huwebes ng gabi. Hindi naman niya ito iprinisintang ipakita, it was Mel Tiangco who wanted to see it kaya in the process nakita na rin ito ng lahat ng nanonood sa 24 Oras.

Natutuwa rin si Pia na sabihin na maganda naman ang naging pagkikita ng mga pamilya nila, walang naging problema at agad-agad silang nagkahulihan ng loob.

Pia and her beau met not too long ago pero heto na sila, nag-iintay na makasal. ‘Yung relas­yon ni Pia with Vic Sotto lasted for so many years. Pero tingnan naman ninyo ang nangyari. 

Alessandra mas gumanda nang dumami ang sugat

Nakaalis na si Alessandra de Rossi patu­ngong Cannes, France kung saan naka-sked for exhibition sa Directors Fortnight Official Select­ion sa Cannes Film Festival ang indie film na ginawa niya under Solita Aureaus, ang Busong. 

Si Alex ang gumaganap ng major role ni Punay na isinilang na tadtad ng sugat ang katawan, may paru-paro sa katawan, hindi makaapak ng lupa kaya palaging nasa duyan at lalong gumaganda habang dumarami ang sugat. Interesting, hindi ba?