Bagong Del Monte Kitchenomics nasa GMA News TV na
MANILA, Philippines - Balik telebisyon ang Del Monte Kitchenomics – ang cooking show na patok sa mga Pinoy dahil sa hain nitong masarap, masustansya, at murang pagkain!
Simula bukas, Huwebes, May 12, apat na beses sa isang linggo mapapanood ang Del Monte Kitchenomics sa GMA News TV Channel 11, at tiyak na mabubusog ang mga viewers sa baon nitong MaMuMas (Masarap, Mura, at Masustansya) recipes.
Hatid ang mga pinadaling recipes mula agahan at hapunan hanggang desserts at drinks, siguradong gagawing espesyal ng programa ang mga lutong-bahay ng viewers sa tulong ng guwapo at batikang chef na si Chef Rob Pengson kasama ang nakakaaliw na si Love Añover.
Handa sina Chef Rob at Love na bigyan ng budget tips ang mga manonood.
Una na rito ang healthy kiddie recipes na hindi matatanggihan ng mga chikiting. Easy-to-prepare meals naman ang ibibida nina Chef Rob at Love para sa mga palaging on-the-go. Gamit ang tamang ingredients at simpleng steps, ipapakita ng dalawang hosts na hindi imposibleng makapaghanda ng masarap na pagkain kahit gipit sa oras.
Mapapanood ang Del Monte Kitchenomics tuwing Huwebes, Biyernes, Sabado, at Linggo, 9:55 ng umaga.
- Latest
