Uminit ang ulo nang ituro ang mga sale, merchandiser tinutukan ni Sid Lucero ng screwdriver

Ang galos sa leeg ang ipinakita ng isang hardware merchandiser bilang ebidensiya ng pananakit sa kanya ni Sid Lucero.

Ang sey ng alleged victim na itinago sa name na Jun, mainit ang ulo ni Sid nang dumating ito sa hardware noong Linggo.

Napagdiskitahan daw ni Sid si Jun nang ituro nito sa aktor ang mga item na naka- sale.

Nagkaroon ng galos sa leeg ang merchandiser dahil daw sa screwdriver na itinutok ni Sid sa kanyang leeg.

Ang female cashier na nagngangalang Rose Ann Arquilos ang witness sa pananakit ni Sid sa merchandiser.

Hindi raw sinasadya na nasaktan din ni Sid ang babae kaya bumalik siya sa hardware para mag-sorry kay Rose Ann.

Nagsampa ng reklamo si Jun at as of pressstime, hindi pa naglalabas ng statement ang kampo ni Sid tungkol sa kasalanan na ibinibintang sa kanya.

Dasal ng fans ni Justin, pinakinggan

I’m sure, ipinagdasal ng mga bagets na maging maganda kahapon ang weather para makapanood sila ng concert ni Justin Bieber.

In fairness, pinakinggan ang request ng mga bagets dahil sumikat kahapon ang araw as in parang walang bagyong Bebeng na nanalanta sa ating bansa.

Luane nakaguhit ang kapalaran kay Carlo

Nakaguhit yata sa palad ni Luane Dy na magkaroon ng boyfriend na Carlo ang name dahil after Carlo Aquino, si Carlo Gonzales ang nakarelasyon niya.

The who si Carlo? Siya ang pinsan ni Dingdong Dantes na co-star ni Luane sa I Heart You Pare at obvious na na-develop ang feelings nila sa set ng kanilang primetime show.

Mainstay si Luane sa Unang Hirit at nabigyan siya ng chance na makaarte sa I Heart You Pare. 

May acting experience si Luane noong bagets pa ito kaya hindi siya nailang nang sumabak siya sa dating TV series ni Regine Velasquez.

Si Luane ang host sa presscon ng Blusang Itim noong Lunes ng gabi. Kinabukasan, siya naman ang nagkaroon ng presscon na ipinatawag ng GMA Artist Center.

Malapit nang mag-goodbye sa ere ang I Heart You Pare at hindi pa alam ni Luane ang kanyang next TV project.

Definitely, welcome na welcome kay Luane na mabigyan siya ng bagong TV assignment.

Rhian magdedemanda?

Hindi magsasalita si Rhian Ramos tungkol sa break up nila ni Mo Twister pero welcome sa kanyang lawyer na si Atty. Lorna Kapunan na sagutin ang lahat ng mga question tungkol sa kanyang kliyente.

Tama ang inyong nabasa, may lawyer nang involved sa Rhian-Mo controversy. Si Mama Lorna na ang spokeperson ni Rhian pero hindi ito nangangahulugan na hahantong sa korte ang isyu ng ex-lovers.

Snooky pumayat na naman, blonde na blonde din

Nakita kahapon si Snooky Serna sa canteen ng GMA 7. Hindi kaagad nakilala si Snooky dahil pumayat siya at blonde na blonde ang kanyang buhok.

Ewan ko lang kung may kinalaman sa TV adaptation ng Blusang Itim ang presence ni Snooky sa GMA 7 compound.

Ang Kapuso network ang produ ng Blusang Itim at ito ang biggest break ni Kylie Padilla sa telebisyon.